Залруулга
Монгол Улсын Ерөнхийлөгчийн найм дахь удаагийн сонгуулийн ирц болон санал хураалтын дүнг iKon.mn "Сонгууль-2021" хуудсаараа дамжуулан уншигчдад хүргэж байгаа билээ. Сонгуулийн Ерөнхий хороо нь сонгуулийн дүнг шууд нэгтгэж харуулахдаа онлайн орчинд байршуулдаггүй бөгөөд зөвхөн СЕХ-ны байр дахь тусгай дэлгэцээр шууд дамжуулан харуулдаг юм. Иймээс тус байгууллагаас дэлгэцээр үзүүлж байгаа тоон мэдээллийг хэвлэл мэдээллийн байгууллагууд ямар нэг байдлаар бичиж дамжуулах хэрэгтэй болдог.
/Иймд алдаа гарах боломжтой тул СЕХ-ны шууд дамжуулалтын дэлгэцээс бусад хэвлэл мэдээллийн байгууллагын харуулж буй тоо мэдээг албан ёсны баримт болгон ашиглахгүй байхыг анхааруулж байна./
Энэ явцад Сонгуулийн Ерөнхий хорооноос танилцуулсан Багануур дүүргийн дүнгийн мэдээллийг алдаатай оруулсан тул уг мэдээллийг шуурхай залруулсан болно.
Зураг 1.
Түүнчлэн тус дүүргийн 22:00 цагийн байдлаарх ирцийн мэдээллийг оруулах хүртэл "Сонгууль-2021" хуудсан дээрх мэдээлэл 21:00 цагийн ирцээр харагдаж байсан болно.
Зураг 2.
Зураг 3.
Ийнхүү уншигчдад зөрүүтэй ойлголт өгсөнд хүлцэл өчье.
Сонгуулийн санал хураалтын дүнг ЭНД-ээс харна уу.
