ЕРӨНХИЙЛӨГЧИЙН СОНГУУЛЬ: 18:00 цагийн байдлаар ирц улсын хэмжээнд 39%-тай байна

iKon.mn "Ерөнхийлөгчийн сонгууль-2021" хуудсыг нээж, сонгуулийн ирцийн мэдээллийг шууд цагийн горимоор хүргэж байгаа билээ. 

18:00 цагийн байдлаар сонгуулийн ирц улсын хэмжээнд 39 хувьтай байна. 

Улаанбаатар хотын хувьд Сонгинохайрхан, Налайх дүүргийн ирц хамгийн муу буюу 39% байгаа бол Баганхангай дүүргийн ирц 50% давлаа. 

Аймгуудаас Хэнтий, Говь-Алтай аймгийн сонгогчдын ирц хамгийн өндөр буюу 42%-тай байгаа бол Сэлэнгэ аймагт ирц 27.6%-тай байна. 

Сонгогчдын насны бүлгээр авч үзвэл 55-аас дээш насныхны оролцоо 50%-аас давсан байгаа бол 20-29 насныхны ирц 30-аас бага хувьтай байна. Өөрөөр хэлбэл, залуусын оролцоо тун хангалтгүй байгааг доорх зургаас харах боломжтой. 

 

Мөн анх удаа санал өгч байгаа буюу 18-19 насныхны ирц 34.9%-тай байна. 

Уншигч та "Сонгууль-2021" гэсэн хуудас руу нэвтэрч аймаг, дүүргийн нэр дээр хулганаа даран сонгогчдын хүйс, нас болон ирцийн талаарх дэлгэрэнгүй мэдээллийг харна уу.

Тиймээс хэсэг бүрийн ирц 22:00 цаг гэхэд 50%-д хүрэхгүй бол дахин санал хураалт явуулах нөхцөл үүсэх юм. 

17:00 цагийн байдлаар нийслэлд ирц 50% давсан тойрог зөвхөн Багахангай байгаа бол аймгуудад нэг ч хэсгийн хороо алга. 

Ирц 40%-д хүрсэн нь Баянгол, Чингэлтэй, Багануур, Баянзүрх, Сүхбаатар, Хан-Уул дүүрэг болон Хэнтий, Орхон, Сүхбаатар, Говь-Алтай аймаг л байгаа юм.

Санал хураалт 22:00 цаг хүртэл үргэлжилнэ.