КОВИД-19: Ямар шинж тэмдэг илэрвэл ЭМЧИД ЯАРАЛТАЙ ХАНДАХ ёстой вэ?

Гэрэл зургийг MPA.mn

Гэрээр эмчлүүлж байгаа иргэдэд өвчний аюултай шинж тэмдэг илэрсэн тохиолдолд ойролцоо байгаа эрүүл мэндийн байгууллагад шууд хандах хэрэгтэйг ХӨСҮТ-ийн захирал Л.Баттөр хэлсэн.

Тэгвэл ЭМЯ-наас дараах шинж тэмдгийн аль нэг илэрвэл ЭМЧИД ЯАРАЛТАЙ ХАНДАХ хэрэгтэйг зөвлөжээ.

• Биеийн халуун 38 хэмээс дээш  халуурах;
• Ханиалгах, ханиалгалт нэмэгдэж байнгын болох;
• Биеийн бага зэргийн ачаалалд амьсгаадах (босож явах гэх мэт өдөр тутмын хийдэг зүйлийг хийхэд);
• Ядарч сульдах;
• Олон удаа бөөлжих, суулгах;
• Тайван үед амьсгаадах, цээж давчдах;
• Цээжээр хөндүүр оргих, байнга өвдөх;
• Унтаарах;
• Уруул, хумс, хурууны үзүүр хөхрөх.

 Эрүүл мэндийн байгууллагууд шинж тэмдэгт суурилсан тусламж үйлчилгээг үзүүлэх стратеги руу шилжсэн байгааг Л.Баттөр захирал мөн хэлсэн юм.