2021/06/15
Америк доллар
МОНГОЛ БАНК:
2,849.03₮
B30
УЛААНБААТАР
17°
|
11°
B30
УЛААНБААТАР
14°
|
B30
УЛААНБААТАР
16°
|
17:00
S40
11°
18:00
S40
11°
19:00
S40
11°
20:00
S40
10°
21:00
S40
22:00
S29
23:00
S29
00:00
S29
01:00
S29
02:00
S29
03:00
S29
04:00
S26
Энэ мэдээ хуучирсан буюу 2021/04/05 -нд нийтлэгдсэн мэдээ болно.

АНУ-ын засгийн газар тус улс дахь AstraZeneca вакцины үйлдвэрлэлийг зогсоожээ

Э.Сэмүүн, ikon.mn
2021 оны 4 сарын 5
iKon.MN
Зураг

Балтимор дахь Emergent BioSolutions компанийн гэрээт үйлдвэрийн ажилчдын гаргасан алдааны улмаас өнгөрсөн долоо хоногт Johnson & Johnson компанийн 15 сая тун вакцин хаягдал болсон билээ.

Тус үйлдвэр J&J вакцинаас гадна Британи-Шведийн AstraZeneca компанийн бүтээсэн коронавирусийн эсрэг вакциныг гэрээгээр үйлдвэрлэж байсан юм. J&J компани тавдугаар сарын сүүлээр нийт 100 сая тун вакциныг АНУ-ын засгийн газарт нийлүүлэх үүрэгтэй байгаа.

Их хэмжээний вакцин хаягдал болсон нь уг үүргийн биелэлтэд саад учруулах нь тодорхой болсон юм. АНУ-ын эрүүл мэндийн яамны эх сурвалжийн мэдээлснээр Emergent BioSolutions үйлдвэрт гарсан алдааг давтуулахгүйн тулд AstraZeneca вакцины үйлдвэрлэлийг зогсоох шийдвэр гаргажээ.

Үйлдвэрийн ажилчид хоёр вакцины найрлагыг хольсон нь гологдол гарах шалтгаан болсон гэдэг. Одооноос эхлээд тус үйлдвэр зөвхөн J&J вакциныг үйлдвэрлэхээр болж байна.

АНУ-ын засаг захиргаа одоогоор AstraZeneca вакцинд зөвшөөрөл олгоогүй байгаа юм. Туршилтын дата нь хэтэрхий хуучирсан гэсэн шалтгаанаар зөвшөөрөл олгох үйл явц саатаж байжээ. AstraZeneca сүүлд туршилтын датагаа шинэчилж өгсөн байна. Тус компанийн төлөөлөгчид  вакциныг нь үйлдвэрлэх өөр байгууллага олохоор Жо Байдены засаг захиргаатай ярилцаж байгаа гэнэ.

Өнгөрсөн долоо хоногт АНУ-ын халдварт өвчин судлалын гол мэргэжилтэн Энтони Фаучи зөвшөөрөл олгосон ч гэсэн AstraZeneca вакцин дархлаажуулалтад ашиглагдахгүй байх гэж хэвлэлд ярьж байв.

Учир нь Америкийн компаниудын (Pfizer/BioNTech, Moderna, Johnson & Johnson) вакцин тус улсын хүн амын дархлаажуулалтад хангалттай хүрэлцэхээр байгаа.

Нэгэнт үйлдвэрлэгдээд байгаа 4 сая тун AstraZeneca вакциныг Байдены засаг захиргаа хөрш Канад, Мексик улсуудад зээлээр өгөхөөр болсон байна.

 

Эх сурвалж: Reuters

 

x