“Эртэч Монгол” уриалгыг дэмжин Хан-Уул дүүргийн Засаг даргын Тамгын газар “Хоггүй Хан-Уул 2021” аяныг өглөөний 07:00 цагаас эхлүүллээ

Монгол Улсын Ерөнхий сайд Л.Оюун-Эрдэнийн санаачлагаар “Эртэч Монгол” уриалгыг дэмжин Хан-Уул дүүргийн Засаг даргын Тамгын газар “Хоггүй Хан-Уул 2021” аяныг өглөөний 07:00 цагаас эхлүүллээ.

Хан-Уул дүүрэг “Хоггүй Хан-Уул” аяныг жил бүр зохион байгуулж ирсэн бөгөөд энэ жил “Эртэч Монгол” уриалгыг дэмжин өнөөдөр өглөөний 07:00-08:00 цагийн хооронд тус дүүргийн төрийн албан хаагчид болон дүүрэгт үйл ажиллагаа явуулдаг аж ахуйн нэгж, байгууллагууд, иргэдийн оролцоотой “Хоггүй Хан-Уул 2021” аян дүүргийн нутаг дэвсгэрт нэгэн зэрэг эхэллээ.

Тус аяны хүрээнд нийтийн эзэмшлийн зам талбайд үүссэн хог хаягдлыг цэвэрлэн, орчиндоо цэвэр цэмцгэр амьдрахыг уриалж байна.

Иймд иргэн бүр хогоо зориулалтын саванд хаяж, цэвэр цэмцгэр орчныг бүрдүүлэхийг төлөө хамтдаа хичээцгээе.