"Хүүхдийн парк өдөр бүр 11:30-00:00 цаг хүртэл ажиллаж байна"
Үндэсний соёл амралтын хүрээлэн буюу бидний нэрлэж заншсанаар хүүхдийн парк долдугаар сарын 5-наас үйл ажиллагаа эхлүүлжээ.
Энэ талаар тус хүрээлэнгийн менежер "Үндэсний соёл амралтын хүрээлэн нь 23 тоглоомтой. Үүнээс 20 нь ажиллаж байгаа.
- Аймшгийн байшин
- Бонгын ертөнц
- Жижиг галзуу хулгана гэсэн гурван тоглоом ажиллахгүй.
Бусад тоглоомыг долоо хоногийн өдөр бүр 11:30-00:00 цаг хүртэл ажиллуулж байна. Харин Тойрог зам буюу том галзуу хулганыг Баасан, Бямба, Ням гарагт ажиллуулдаг.
Ковид-19 цар тахлаас урьдчилан сэргийлэх зорилгоор амны хаалттай хүнд үйлчлэх, 2 цаг тутамд тоглоомуудыг ариутган халдваргүйжүүлэлт хийж, тоглоом бүрд гар ариутгагч суурилуулсан.
Цар тахлын улмаас шөнийн паркийг ажиллуулахгүй
Цар тахлын улмаас шөнийн паркийг ажиллуулахгүй. Өөрөөр хэлбэл 00:00 цагаас хойш Үндэсний соёл амралтын хүрээлэнд олныг хамруулсан ямар нэгэн үйл ажиллагаа зохион байгуулахыг хориглосон.
Тоглоомын тасалбарын үнэ 4,000 төгрөгөөс эхэлж, завь 6,000 төгрөгийн үнэтэй.
Хүүхдийн паркийн автомашины зогсоол ачаалал ихтэй болсон тул паркийн баруун тал буюу Сөүл рестораны урд нэмж зогсоол бэлдсэн" гэлээ.
Түүнчлэн парк дотор "Хоолондоо" нэвтрүүлгийн Энхээгийн монгол бяслагтай пиццагаар үйлчилж буй түргэн хоолны газрууд ажиллаж байгаа аж.
УОК-оос үйлчилгээний байгууллагуудыг 2020 оны долдугаар сарын 1-нээс Ковид-19 халдвараас урьдчилан сэргийлэх зөвлөмжийн дагуу үйл ажиллагаагаа эхлүүлэх шийдвэр гаргасан билээ. Энэ дагуу хүүхдийн парк /Үндэсний соёл амралтын хүрээлэн/ үйл ажиллагаагаа эхлүүлсэн байна.
Хүүхдийн паркийн тоглоомуудын ширхгийн болон багцын үнэ:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
10 СЭТГЭГДЭЛТЭЙ
|
