-Хүн төрөлхтөн илүү хялбар, илүү найдвартай хэрэглээг өдрөөс өдөрт хүсэн тэмүүлж байна-
Тэгвэл уг хэрэгцээг хангахаар ажилладаг ХААН Банк энэ удаа “Databank” ХХК-тай хамтран хэрэглэгчдийн төлбөр тооцоо хийх хэрэглээг илүү хялбарчилсан “Ухаалаг түрийвч” буюу Pass.mn aппликейшнийг нэвтрүүлж эхэлжээ.
Иймд тус аппликейшний давуу талыг хэрэглэгчдэд таниулах зорилгоор ХААН Банк цамхгийг зорилоо.
Шинээр нэвтрүүлсэн "Ухаалаг түрийвч" буюу Pass.mn аппликейшний хувьд,
Аппликейшний хэрэглээний талаар ХААН Банкны Картын бизнесийн газрын ПОС-ын албаны мэргэжилтэн Ө.Анхбаяр “Гар утасны төрлөөс шалтгаалан Appstore эсвэл Playstore-оос Pass.mn гэж хайлт хийн татаж суулгана. Дараа нь картын мэдээллээ аппликейшнд оруулан "Карт нэмэх" товчлуурыг дарснаар гүйлгээ хийх боломжтой болох юм. ХААН Банкны карт уншигч 20,000 гаруй ПОС төхөөрөмж дээр энэхүү аппликейшнийг шууд ашиглах боломжтой байгаа. Нэг ёсондоо харилцагч ХААН Банкны картаа виртуал хэлбэрээр ашиглаад явна гэсэн үг” гэв.
Видео 1: Шинэ хэрэглэгчээр бүртгүүлэх заавартай танилцана уу.
Түүнчлэн ХААН Банкны Бизнес шинэчлэлийн газрын ахлах мэргэжилтэн М.Очирсүх “Монгол Улс дахь нийт ПОС машины дэд бүтцийн 50 гаруй хувийг ХААН Банк дангаараа эзэлдэг. Харилцагчдын өдөр тутмын төлбөр тооцоонд ашиглагдаж буй бүх үйлчилгээг Pass аппликейшнээс авах боломжийг бий болгохоор банкны зүгээс цаашид ч илүү олон хөгжүүлэлтүүдийг хийх болно.
Сонирхуулахад, хэрэглэгчдийн дунд хийсэн судалгаагаар нийт хэрэглэгчдийн 30 хувь нь картаа мартсан, эсвэл дансанд нь бага үлдэгдэлтэй картаа бариад гараад ирчихсэн, картаа гэмтээчихсэн гэх мэт шалтгаанаар худалдан авах боломжуудаа алддаг гэх хариултыг өгсөн. Мөн “КОВИД-19” гарсантай холбоотойгоор сүүлийн үед картаа худалдагчид өгмөөргүй байна, ПОС төхөөрөмж дээр хуруугаа хүргэмээргүй байна гэх мэт хэрэглээний өөр хэрэгцээ шаардлага үүсэж эхэлсэн нь ажиглагдсан. Тэр утгаараа энэхүү аппликейшн үйлчилгээ нэвтэрч байгаа хэрэг.
“Датабанк” ХХК-ийн гүйцэтгэх захирал Э.Тогтуун “Манай компани сүүлийн дөрвөн жил ХААН Банктай хамтран төлбөр тооцооны цогц шийдэл болсон ПОС төхөөрөмжийн хөгжүүлэлт зэргийг хариуцан ажиллаж байна.
Харин сүүлийн нэг жилийн хугацаанд пластик картыг гар утсаар орлох шийдлийг боловсруулан “Ухаалаг түрийвч” Pass.mn хэмээх аппликейшнийг шинээр нэвтрүүлсэн хэрэг. Ингэснээр харилцагчид ХААН Банкны картаа гар утсан дахь аппликейшндээ бүртгүүлээд, 20,000 гаруй цэгт байгаа ХААН Банкны ПОС машин дээр QR код уншуулж, төлбөр тооцоогоо аюулгүй хийх боломжтой.
“Датабанк” ХХК нь Монголбанкны төлбөрийн картын процессорын үйл ажиллагаа эрхлэх тусгай зөвшөөрөлтэй.
Мөн картын мэдээллийг аюулгүй, найдвартай дамжуулах олон улсын стандартыг мөрдлөг болгож ажилладаг учраас аппликейшний тухайд аюулгүй байдал болон нууцлалын тал дээр асуудалгүй. Харин нөгөө талаас хэрэглэгчид маань гар утсандаа татсан pass.mn аппликейшний нууц үгийг төрсөн он сар өдөр, дараалсан тоо зэргээр өгөх биш, хэн ч тааж чадахааргүй сайтар нууцлалтай хийх шаардлагатай” хэмээв.
Ийнхүү шинэ цагийн монголчууд бидэнд дижиталчлагдсан ертөнцтэй хөл нийлүүлэн алхаж, төлбөр тооцоогоо шуурхай хийх боломж олгогдож буйд таатай байна.