2020/07/07
Америк доллар
МОНГОЛ БАНК:
2,828.11₮
B30
УЛААНБААТАР
30°
|
15°
B30
УЛААНБААТАР
27°
|
17°
B30
УЛААНБААТАР
19°
|
14°
16:00
S30
22°
17:00
S26
21°
18:00
S26
21°
19:00
S26
22°
20:00
S26
21°
21:00
S26
20°
22:00
S26
19°
23:00
S26
18°
00:00
S26
18°
01:00
S26
17°
02:00
S26
16°
03:00
S26
15°

COVID-19-ийн хязгаарлалтыг 6 дугаар сарын 30-ныг хүртэл сунгалаа

Б.МАНЛАЙ, IKON.MN
2020 оны 5 сарын 25
iKon.MN
Зураг
Гэрэл зургийг mpa.mn
эрэмбэлэх:   шинэ нь эхэнд хуучин нь эхэнд

14:12 2020/05/25

Улсын Онцгой комисс хуралдаж байна.

Өндөржүүлсэн бэлэн байдлын хугацааг 6 дугаар сарын 30-ныг дуустал үргэлжлүүлэхээр боллоо.

Covid-19 цар тахлын дэлхийн нөхцөл байдал болон дотооддоо халдварыг алдахгүй байх үүднээс мэргэжлийн байгууллагуудын дүгнэлтийг үндэслэж шийдвэр гаргалаа гэж УОК-ын хэвлэлийн төлөөлөгч мэдэгдээд байв.

Найм дахь удаагийн эрсдлийн үнэлгээгээр Монгол Улс коронавируст цар тахал дэгдэх МАШ ӨНДӨР ЭРСДЭЛТЭЙ улсад тооцогдсон хэвээр байна.

Түүнчлэн цаг үеийн байдал, хөрш болон дэлхийн улс орнууд дахь цар тахлын тархалт, дэгдэлт болоод бусад судалгаанд үндэслэн энэ сарын 31-нийг дуустал үргэлжлэх “Гамшгаас хамгаалах өндөржүүлсэн бэлэн байдлын зэрэг”-ийг  2020 оны зургаадугаар сарын 30-ны өдрийг дуустал дахин нэг сараар сунгах саналыг УОК-ын Шуурхай штабаас гаргасныг УОК-ын гишүүд 100 хувийн саналаар дэмжиж, ирэх Лхагва гарагийн Засгийн газрын хуралдаанаар эцэслэн батлуулахаар тогтосныг Засгийн газрын Хэвлэл мэдээлэлтэй харилцах хэлтсээс мэдээллээ.

12:57 2020/05/25

УОК-ын өргөтгөсөн хуралдаан хаалттай горимд шилжлээ.

Тус хурлаас гаргасан шийдвэрийг бид эргэн мэдээлэх болно.

10:53 2020/05/25

УОК-ын өргөтгөсөн хуралдаан өнөөдөр болж байна. COVID-19-ийн хязгаарлалтыг сунгах эсэхийг шийднэ.

Өнгөрсөн 7 хоногийн Засгийн газрын хуралдаанд УОК мэдээллээ танилцуулжээ.

Өнөөдрийн хуралд Ерөнхий сайд У.Хүрэлсүх оролцож байна.

ШУУД ҮЗЭХ:

https://www.facebook.com/iKonNews/videos/960284541072059/

Гадаад улсаас иргэдээ татах ажлыг үргэлжлүүлнэ

Шадар сайд, УОК-ын дарга Ө.Энхтүвшин "Монгол Улсад франц иргэнээр зөөвөрлөгдөн халдвар орж ирсэн үеэс хойш өнөөдрийг хүртэл УОК 22 удаа хурал хийж байна.

Гамшгаас хамгаалсан бэлэн байдлын зэргийн карантиныг сунгасан. Бүх шатны сургуулийн үйл ажиллагааг эхлэх хугацааг 9 дүгээр сарын 1-н хүртэл болгосон.

Цар тахлын 2 дахь давалгаа эхлэхийг сүүлийн өдрүүдэд дэлхий дахинд болж буй өвчлөлөөс харагдаж байна. Тухайлбал, Франц, Инчеон сургуулийн үйл ажиллагаагаа эхлүүлээд буцааж хааж байна.

Тусгаарлах хугацааг 21 хоног болгосныг иргэд шүүмжилж байсан. Гэвч одоо ойлгож эхэлсэн. Халдвар 14 дэх хоног дээрээ илэрсэн. Иймээс тусгаарлах хоногийг сунгасан юм.

Гадаад орноос иргэдээ татан авах ажиллагааг үе шаттайгаар зохион байгуулж байгаа.

Нэгдүгээр сарын 6-ны өдөр БНХАУ-д халдварын тархалт нэмэгдсэн цагаас эхлэн гадаадад байгаа монгол иргэдээ татан авсан.

Энэ хугацаанд 62,510 иргэнийг татаж авсан байна. БНХАУ-д байгаа иргэддээ сэрэмжлүүлэг зөвлөгөө 54,176 иргэн ирсэн. Эдгээр иргэд тусгаарлалтад ороогүй. Тэр үед тусгаарлах ажил хийгдээгүй байсан

Энэ тоон дээр 8,000 гаруй иргэнийг тусгай үүргийн онгоц болон галт тэрэг, машинаар иргэдээ татаж авсан. 

46 улсаас 11,275 иргэн эх нутагтаа ирэх хүсэлтээ гаргаад байна. АНУ, БНСУ, Австрали, Энэтхэг, Турк, Англи, Япон улсаас ирэх хүсэлт гаргасан. 

Үүнд бага насны хүүхэдтэй 830 иргэн байна.

Гадаад улсаас иргэдээ татах ажлыг үргэлжлүүлнэ. Нэг өрөөнд нэг хүн гэсэн зарчмыг тавьж байгаа. Тиймээс боломждоо тулгуурлан татан авна.

Бид хориглох, хязгаарлах тактикаас гарч, сөрж орсон. Өөрөөр хэлбэл хилийн боомтуудыг нээж нүүрс, зэс, жоншны экспортоо эхлүүлсэн.

Мөн тусгай үүргийн онгоцоор эрсдэл өндөртэй улсаас иргэдээ авчирсан юм.

COVID-19-ийн тархалт цаг агаар, газарзүйн байршлаас хамаарахгүй нь судалгаагаар тогтоогджээ

ОХУ-д өвчлөл эрс нэмэгдэж байна. Тус улсад халдварын тохиолдол 335,882-д хүрсэн.

БНХАУ-ын ӨМӨЗО-д зөөвөрлөгдөн орж ирсэн 7 тохиолдол бүртгэгдсэн байна.

COVID-19-ийн тархалт цаг агаар, газарзүйн байршлаас хамаарахгүй нь судалгаагаар тогтоогджээ.

БНХАУ, АНУ-ын эрдэмтдийн судалгаагаар халдвар аваад эдгэрсэн залуус дахин өвдөх тохиолдол гарч байна. ЭМЯ халдварын эрсдлийн үнэлгээг найм дахь удаагаа хийлээ. Ингэхэд халдвар тархах маш өндөр эрсдэлтэй гэж гарсан.

Иймээс өндөржүүлсэн бэлэн байдлын зэргийн хөл хориог дахин 6 дугаар сарын 30-ныг хүртэл сунгах асуудлыг хэлэлцэж байна.

Эрсдэл өндөр байгаа энэ үед амны хаалтаа орон даяар зүүх аяныг эхлүүлэх, зунжингаа ариутгал, цэвэрлэгээ хийнэ.

Илүү хариуцлагатай, бие биенээ дэмжиж халдварыг даван туулах үе ирлээ.

Дотоодод халдвар гарвал 3 дахь үе ирнэ. Тиймээс халдварын эсрэг санаа нэгтэй тэмцэцгээе" гэв.

x