А.Есетжан: Нэвтрэх суваг суурилуулснаар 3, 4 дүгээр хорооллын гол авто замыг дахиж сэтлэхгүй
3, 4 дүгээр хорооллын эцэст хийгдэж тавигдаж байгаа дулааны шугамын ажлын явц 90 гаруй хувьд хүрчээ.
Энэ тухай "УБДС" ТӨХК-ийн Дэлхийн банк, Улаанбаатар хотын ТЭҮ-ийн төслийн нэгжийн барилга, байгууламж хариуцсан инженер А.Есетжан "Дэлхийн банкны санхүүжилтээр хэрэгжиж буй гэр хорооллын дахин төлөвлөлтийн төслийн хүрээнд 3, 4 дүгээр хорооллын эцэс буюу Emart худалдааны төвөөс ОСНААУГ-ын дулаан дамжлагатай 95 хүртэлх 2,400 мм-ийн голчтой хос шугамыг суурилуулах ажлын явц 90 гаруй хувьтай үргэлжилж байна. Авто зам доогуур нэвтрэх суваг суурилуулах ажил дуусаж, хөдөлгөөнийг нээлээ.
Хорооллын гол замын доогуур нэвтрэх суваг угсрах ажил хамгийн чухал байлаа. 40 гаруй метр нэвтрэх суваг, туннелийг угсарснаар дахиж зам сэтлэх болон газар шорооны ажил хийхгүй болж байна. Өөрөөр хэлбэл энэхүү нэвтрэх сувагт дулааны шугамын засвар, үйлчилгээг хийдэг болно" гэж мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
