Б.Ууганбаяр: Өнөөдөр 455 хүн тусгаарлах байрнаас гарч, гэрийн хяналтад шилжинэ
Улсын Онцгой комиссын Шуурхай штабаас ээлжит мэдээллээ хийж байна.
/2020.04.06/
ШУУД ҮЗЭХ:
Мэдээллийн хурлын эхэнд УОК-ын шуурхай штабын дарга Б.Ууганбаяр тойм мэдээллийг танилцуулав. Түүний мэдээлснээр
Дөрөвдүгээр сарын 3-нд Токио-Улаанбаатар чиглэлийн нислэгээр ирсэн хүмүүсийн
- 68 нь ХӨСҮТ-д
- 15 нь Цэргийн төв эмнэлэг
- 2 нь Жаргалант сувилалд тусгаарлагдсан бөгөөд
- "Токио Инн" зочид буудалд 188 хүнийг байрлуулан тусгаарлажээ.
Улсын хэмжээнд тусгаарлагдаж буй иргэдийг насны бүлгээр авч үзвэл
- 0-5 настай 69 хүүхэд
- 6-17 настай 153 хүүхэд
- 18 ба түүнээс дээш насны 2,099 хүн байна.
Ийнхүү тусгаарлагдаж байгаа иргэдийн тодорхой хувь нь төлбөрөө төлөөгүй байгаа аж. Төлбөрөө төлөхөөс цааргалж байгаа хүмүүсийн мөнгийг улсаас даахгүй гэдгийг албаны хүн цохон тэмдэглэв. Тусгаарлагдаад гарч буй иргэд төлбөрөө төлөхгүй байснаар дараагийн хүмүүст хоолоор үйлчлэх боломжгүй болоход хүрээд буй учир хариуцлагатай хандахыг УОК-ын Шуурхай штабаас санууллаа.
Өнгөрсөн тав хоногт 955 тусгаарлах байрнаас гарсан бол өнөөдөр дахин 455 хүн тусгаарлах байрнаас гарч, гэрийн хяналтад шилжинэ хэмээн УОК-ын Шуурхай штабын дарга Б.Ууганбаяр хэлэв.
