СУДАЛГАА: Gen Z залуусын санхүүгийн мэдлэг Millennials үеийнхнээс илүү сайн

Гэрэл зургийг MPA агентлагийн онцгой зөвшөөрөлтэйгөөр ашиглав

Улсын хэмжээнд 15-69 насны 1,947 хүнийг хамруулсан санхүүгийн боловсролын чадамжийн түвшнийг тогтооход иргэдийн нас ахих тусам санхүүгийн мэдлэг буурсан дүн гарчээ. 

График 5: Иргэдийн санхүүгийн мэдлэгийн түвшин тогтоох судалгааны үр дүн

Судалгаанд оролцсон нийт иргэний санхүүгийн мэдлэгийг үнэлэхэд Gen Z үеийнхэн бусад насны ангиллаас илүү буюу 60 орчим хувьтай байжээ.

Иргэдийн санхүүгийн мэдлэгийн түвшин тогтоох судалгаанд дурдсанаар:

• Gen Z буюу 18-24 насны залуучуудын хувьд даатгал, ипотек, банкны зээл, ломбард зэрэг бүтээгдэхүүнүүдийг бусад насны хүмүүсээс бага хэрэглэдэг. Харин хөрөнгө оруулалт (15.0%), цахим зээл (20.7%), криптовалютыг (27%) илүүтэй сонгож хэрэглэдэг байна.
• Millennials буюу 25-39 насны хүмүүс даатгал, ипотек, зээл, цахим зээл, ломбард гээд санхүүгийн бүтээгдэхүүний дийлэнхийг жигд хэрэглэдэг боловч хөрөнгө оруулалт (14.0%), криптовалют (16.4%)-ыг арай бага хэрэглэх хандлагатай.
• 40 болон түүнээс дээш насны хүмүүс хөрөнгө оруулалт, даатгал, ипотек, банкны зээл, хадгаламж, ломбард зэрэг уламжлалт бүтээгдэхүүнүүдийг илүү сонгон хэрэглэдэг болохыг цахим зээл (15.3%), криптовалют (15.3%)-ын бага хэрэглээнээс харж болохоор байна.

Түүнчлэн иргэд, олон нийтийн санхүүгийн шийдвэр гаргахдаа авдаг зөвлөгөө, мэдээллийн эх сурвалжаар ангилахад оролцогчдын

• 17.5% нь хэнээс ч зөвлөгөө авдаггүй
• 41.6% нь эргэн тойрны хүмүүс болох ээж, аав, эхнэр, нөхөр болон гэр бүлийн гишүүдээс зөвлөгөө авахыг эрмэлздэг хэмээн хариулсан нь мөнгө санхүүтэй холбоотой сонголт, шийдвэр гаргалт ямар эмзэг болохыг илтгэж байна. 

График 6: Санхүүгийн луйвар, залилангаас сэргийлэх хандлага

Иргэдийн хандлагыг дүгнэвэл аливаа хэлбэрийн санхүүгийн луйвар, залилангийн шинжтэй үйлдэлд аль болох өөрийн ойр дотны хүмүүст хандан зөвлөгөө авч, олон нийтийн сүлжээнээс мэдээлэл хайх хандлагатай байгааг Монгол Банкнаас гаргасан Иргэдийн санхүүгийн мэдлэгийн түвшин тогтоох судалгаанд дурджээ. 

ТОЙМ нийтлэлийн дэлгэрэнгүйг ЭНД дарж уншина уу.