ТАНИЛЦ: Ерөнхий прокурорт нэр дэвшиж буй Б.Жаргалсайханы НАМТАР, ХӨРӨНГӨ ОРЛОГЫН ХЭМЖЭЭ

Монгол Улсын Ерөнхий Прокурорт Б.Жаргалсайхан прокурорыг нэр дэвшүүлэх бололтой гэж бид өчигдөр мэдээлсэн.

Тэгвэл өнөөдөр авсан албаны эх сурвалжийн мэдээллээр Ерөнхийлөгчийн Тамгын Газраас Авлигатай Тэмцэх Газарт Б.Жаргалсайханы мэдээллийг хүргүүлсэн байна. Ингэснээр АТГ тухайн нэр дэвшигчид ашиг, сонирхлын зөрчил байгаа эсэхийг шалгаж нягтлах юм.

Хуулийн хувьд Ерөнхийлөгч УИХ-тай зөвшилцөн Ерөнхий прокурорыг томилох ёстой. Тодруулбал, Үндсэн хуулийн 56.2-д "Улсын Ерөнхий прокурор, түүний орлогч нарыг Улсын Их Хуралтай зөвшилцөн Ерөнхийлөгч зургаан жилийн хугацаагаар томилно" гэж заасан байдаг.

Б.Жаргалсайхан нь одоо Ерөнхий прокурорын туслах, Зөрчил шалган шийдвэрлэх ажиллагаанд хяналт тавих хэлтсийн дарга, хууль цаазын тэргүүн зөвлөхөөр ажилладаг.

Түүний намтрыг үзвэл, 

• 1988-1990 онд Өвөрхангай аймгийн, Прокурорын Газарт хяналтын прокурор,
• 1990-1996 Тээврийн Прокурорын Газарт тээврийн прокурор,
• 1996-2000 онд Өвөрхангай аймгийн Прокурорын Газарт прокурор,
• 2009-2011 онд Улсын Ерөнхий Прокурорын Газарт хяналтын прокурор,
• 2011-2014 онд Тээврийн Прокурорын Газар тээврийн прокурор,
• 2014-2015 онд Улсын Ерөнхий Прокурорын Газарт хэлтсийн дарга,
• 2017.01.07-2017.07.01 ХБАХТХэлтсийн дарга,
• 2017-2018 онд Улсын Ерөнхий прокурорын туслах, Зөрчил шалган шийдвэрлэх ажиллагаанд хяналт тавих хэлтсийн дарга, хууль цаазын тэргүүн зөвлөхөөр ажиллаж байна.

Түүний хөрөнгө орлогын мэдүүлгээс үзвэл:

• жилийн орлого нь 38.5 сая төгрөг,
• гэр бүлийн жилийн орлого 13 сая төгрөг,
• 50 сая төгрөгийн хадгаламжтай,
• 35 сая төгрөгийн үнэлгээ бүхий нэг машинтай, 200 сая төгрөг бүхий 2 орон сууцтай (зуслангийн байшин г.м) гэж мэдүүлсэн байна. Түүний мэдүүлсэн хөрөнгө орлогын мэдүүлэгт одоогоор өөрийн эзэмшил бүхий хувийн бизнес байхгүй гэжээ.

ХОМ: