Монголын хөрөнгийн биржид бүртгэлтэй Говь ХК-ийн Хувьцаа эзэмшигчдийн ээлжит бус хурал өнөөдөр (2018.10.03) болж нэгж хувьцаагаа 100 хуваах шийдвэрийг хувьцаа эзэмшигчдийн олонхын саналаар (99.99%) дэмжиж компаний дүрэмд нэмэлт өөрчлөлт оруулахыг зөвшөөрлөө.
Ингэснээр компаний 7,801,125ш хувьцааг 100 хувааж 780,112,500ш болгож нэгжийн үнэ 31,700₮ (2018.10.02-ны өдрийн хаалтын ханш) ~317₮ болно гэсэн үг.
Тус компаний нийт хувьцааны 84 хувийг 4 том хувьцаа эзэмшигч Хайд Интер, Эф Си Ай, Таван Богд Трейд, Үлэмж Их компаниуд эзэмшиж байгаа бол 15 хувь нь ~17-18 мянган жижиг хувьцаа эзэмшигч нарт байна. Компаний зах зээлийн үнэлгээ ~250 тэрбум төгрөг.
Өнөөдрийн биржийн арилжаагаар Говь ХК-ийн нэгж хувьцаа өмнөх өдрийн хаалтын ханшаас 2% өсөлттэй (32,300₮) хаагдлаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!