Эрсдэлт бүлгийг вакцинжуулах ажил 80 орчим хувьтай үргэлжилж байна

Гэрэл зургийг MPA агентлагийн онцгой зөвшөөрөлтэйгөөр ашиглав

Эрүүл Мэндийн яам, Халдвар Судлалын Үндэсний Төв, Томуугийн Үндэсний Төвөөс Томуугийн үндэсний арваннэгдүгээр зөвлөгөөнийг өнөөдөр зохион байгуулж байна. 

Эрсдэлт бүлэг буюу 2-5 нас хүртэлх хүүхэд, жирэмсэн эмэгтэй, эмч эмнэлгийн ажилтнууд, 65 ба түүнээс дээш настай хүмүүсийг вакцинжуулах ажил 80 орчим хувьтай үргэлжилж байгаа юм байна. Архаг суурь өвчтэй хүмүүсийн хувьд хүндрэх эрсдэлтэй тул өрхийн эмнэлэгтээ очоод вакцинд хамрагдаж болох аж. 

Тус зөвлөгөөнөөр өнгөрсөн жилд юу тулгамдаж байсан, хүүхдүүдийн өвчлөл ихсэж орны ачаалал нэмэгдэж байгааг яаж шийдвэрлэж зохицуулах талаар хэлэлцэж байна гэдгийг зохион байгуулагчид онцлов. 

Энэ жилийн хувьд томуугийн тархалт өнгөрсөн хоёр жилтэй харьцуулахад идэвхжлийн түвшин намжуу байдлаар эхэлж байгаа юм байна. Мөн одоогоор томуугийн вирус хараахан тодорхойлогдоогүй байгаа аж. 

 

Гэрэл зургийг MPA агентлагийн онцгой зөвшөөрөлтэйгөөр ашиглав