Гэрэл зургийг MPA агентлагийн онцгой зөвшөөрөлтэйгөөр ашиглав

"UBCab" онлайн такси үйлчилгээнд бүртгэлтэй 50,000 гаруй жолооч "Петровис"-ийн ШТС-аар урамшуулалтай үнээр үйлчлүүлэх боломжтой боллоо. 

Тодруулбал "UBCab" ХХК болон "Петровис" Групп хамтран ажиллаж, урамшууллын системийг улс орон даяар нэвтрүүлэхээр болжээ. 

Энэхүү урамшууллыг хэрхэн яаж олгох вэ? 

UBcab driver аппликэйшн доторх “Уellow card”-ынхаа урамшууллаар Петровис ШТС-ын аль ч салбараас хөнгөлөлттэй үнээр бензин авах боломжийг UBCab-ын "сайн жолооч"-дод бүрдүүлсэн байна. 

"Нийслэл хот, орон нутаг дахь 400 гаруй Петровис ШТС-аар үйлчлүүлэн урамшуулалд хамрагдах боломжтой"

Энэ талаар "Петростар" ХХК-ийн гүйцэтгэх захирал Д.Мөнх-Од хэлэхдээ "Хөгжил түгээнэ уриатай ажилладаг "Петровис" Группийн хувьд шинэ санал санаачилга, шинэ технологийг нэвтрүүлж, хэрэглэгчдэд үнэ цэнийг бий болгохыг зорьдог. 

Өнөөдөр бид "UBCab" компанитай хамтран 50,000 орчим жолооч нартаа урамшуулал олгох ажлыг эхлүүлж буйдаа таатай байна.

"UBCab" ХХК-тай хамтын ажиллагааны гэрээ зурж байгаад баяртай байна" хэмээв. 

"Жолоо нарт шатахуун авахдаа хөнгөлөлтөд хамрагдах боломжийг бий болголоо"

"UBCab" ХХК-ийн гүйцэтгэх захирал О.Золбаяр "Бид өөрсдийн бүтээсэн цахим платформоор дамжуулан ачаа тээвэр болон зорчигч тээврийн үйлчилгээг явуулж байна. 

Бид хэрэглэгчийн үнэлгээнд суурилж жолоочдоо сар бүр үнэлгээжүүлдэг. Энэ хүрээнд сайн жолоочдыг урамшуулах үйл ажиллагааг эхлүүлж байна.

Жолоочдыг шатахуун авахдаа хөнгөлөлт урамшуулалтай болгох системийн холболтыг амжилттай хийж чадлаа.

Тодруулбал жолооч нарт орлого цуглардаг хэтэвч гэж бий. Өөрийнхөө үнэлгээтэй таарсан урамшууллаа авч, улс орон даяар ажиллах боломж бүрдэж байгаа.

Цаашдаа ч бусад үйлчилгээг жолооч нартаа илүү ойртуулах ажлыг тасалдалгүй явуулан, хэтэвчийн холболтыг хамтарч хийхэд нээлттэй" хэмээн ярилаа. 

"Yellow картанд цугларсан урамшууллаараа бензин авах боломж олгосон нь том давуу тал"

"UbCab" ХХК-ийн жолооч Н.Галбадрах сэтгэгдлээ илэрхийлэхдээ "Миний хувьд хоёр жил гаруйн хугацаанд UbCab-д ажиллаж байна. 

Өмнө нь бидний хувьд "Уellow card" хүндрэлтэй асуудал байсан. Тэр картаа хэрхэн яаж ашиглахаа мэдэхгүй, зөвхөн кредитээ цэнэглэхээс өөр шийдэл байгаагүй.

Харин одоо "Петровис" компанитай хамтарч ажилласнаар тус картаараа дамжуулан бензин авна гэдэг бол ашигтай, зөв шийдэл. Машиныг гол хөдөлгөж буй хүчин зүйл бол бензин.

"Yellow card"-д цугларсан урамшууллаараа бензин шатахуун авах боломж олгосон нь том давуу тал боллоо" гэв.