“Хүүхэд бүрийг цэцэрлэгт” зорилтын хүрээнд эцэг эх, асран хамгаалагч, иргэдэд нээлттэй, түргэн шуурхай үйлчилгээ үзүүлэх, цахим бүртгэл-мэдээллийн нэгдсэн удирдлагаар нийслэлийн төрийн өмчийн цэцэрлэгийн үйл ажиллагааг дэмжих зорилгоор 2017 онд tsetserleg.ulaanbaatar.mn систем хийгдсэн.
2018-2019 оны хичээлийн жилийн хувьд тус системийг өргөтгөн, нэмэлт хөгжүүлэлтийг хийж 2-5 настай шинээр цэцэрлэгт орох хүүхдийг бүртгэх боломжтой болсон юм.
Мөн анги дэвшин суралцах хүүхдүүдээ цахим системээр бүртгэлийг нь баталгаажуулж байгаагаараа онцлогтой.
Цахим бүртгэл, цахим элсэлтийн үйл ажиллагааг хэрхэн зохион байгуулах тухай системийн зааварчилгаа сургалтад нийслэлийн 9 дүүргийн боловсролын хэлтсийн сургуулийн өмнөх боловсрол хариуцсан /СӨБ/ мэргэжилтэнгүүд болон цэцэрлэгүүдийн хэсэг (бүс)-ийн төлөөллийг хамруулжээ.
Тус сургалтад хамрагдсан мэргэжилтэнгүүд нь нийслэлийн төрийн өмчийн 222 цэцэрлэгийн эрхлэгч, аргазүйч багш нарыг сургаж цахим элсэлтийн үйл ажиллагааг хэвийн явуулах бэлтгэл ажлыг хангахад туслах аж.
Цахим систем хоёр үндсэн хэсгээс бүрддэг.
Эх сурвалж: Нийслэлийн Мэдээллийн технологийн газар