2018/05/20
Америк доллар
МОНГОЛ БАНК:
2,405.65₮
B30
УЛААНБААТАР
27°
|
12°
B28
УЛААНБААТАР
|
B30
УЛААНБААТАР
14°
|
-3°
19:00
S28
24°
20:00
S44
21°
21:00
S44
17°
22:00
S44
14°
23:00
S44
11°
00:00
S44
01:00
S44
02:00
S44
03:00
S28
04:00
S28
05:00
S26
06:00
S26
-1°

“Доншен газрын тос Монгол” сард 4,700 орчим тонн газрын тос экспортлодог

ikon.mn
2018 оны 5 сарын 15
iKon.MN

Уул уурхай, хүнд үйлдвэрлэлийн сайдаар ахлуулсан яам, агентлагийн газар хэлтсийн дарга нарын хөдөө орон нутагт ажилласан мэдээлэл үргэлжилж байна. 

Тэдний Зүүнбаянгийн газрын тосны дэд сав газарт үйл ажиллагаа явуулж буй “Доншен газрын тос Монгол” ХХК-тай танилцсан мэдээллийг хүргэе.

Тус компани засгийн газартай байгуулсан Бүтээгдэхүүн хуваах гэрээний дагуу сардаа 33,000 баррель буюу 4,700 орчим тонн газрын тос экспортлож байна. 
Ингэхдээ Лондонгийн Хөрөнгийн биржийн тухай өдрийн ханшнаас хамаарч борлуулалтын үнийг тогтоодог аж. Энэ жил 343 мянган баррель газрын тос олборлож, экспортлох төлөвлөөгтэй байгаа аж. 

 

Тус компанид нийт 206 хүн ажилладагаас 129 нь Монгол ажилчин байна. Монгол ажилчдын 115 нь Зүүнбаянгийн, 14 нь Сайншанд болон Улаанбаатарын иргэн ажиллаж буй юм.

“Доншен газрын тос Монгол” компанийн ашиглалтын баталгаат нөөц 14.9 сая баррель буюу хоёр сая тонн юм байна. Энд цахилгаан эрчим хүч дамжуулах шугамууд, хатуу хучилттай авто зам, газрын тос цуглуулах, хадгалах, ялгах, ачиж байгууламж, ажилчдын дотуур байр зэргийг байгуулжээ. Дорноговь аймгийн Засаг даргатай жил бүр хамтран ажиллах гэрээ байгуулан ажилладаг бөгөөд энэ хүрээнд 50 хүүхдийн ортой цэцэрлэг байгуулах, шугам сүлжээний засвар  зэрэг ажлууд хийж байгаа гэлээ.

 

Компанийн удирдлагуудын зүгээс Бүтээгдэхүүн хуваах гэрээ зарим талаар татварын хуультай зөрчилдөж байгааг салбарын сайдад хэлэв.

Сайд Д.Сумъяабазарын зүгээс “Стратегийн бүтээгдэхүүн олборлож байгаа тул Монгол ажилтнуудаа мэргэшүүлэн чадавхижуулах, байгаль орчны нөхөн сэргээлтийн ажлаа стандарын дагуу чанартай хийх, орон нутагтайгаа харилцан ашигтай, хамтын ажиллагаагаа өргөжүүлэн, хөгжүүлэх хэрэгтэй. Сүүлийн 20 жил Зүүнбаянд хийгдсэн бодитой ажил харагдахгүй байна. Тиймээс цаашдаа бодитой хөрөнгө оруулалт хийж ажиллах ёстой” гэж УУХҮЯ-наас мэдээллээ. 

 

 

x