Британичууд порно сайт руу орох эрхээ гудамжнаас худалдаж авдаг болно
Өнгөрсөн онд Британий парламент “Digital Economy Act 2017” нэртэй хуулийг баталсан. Уг хуулийн нэг чухал хэсэг нь порнографик вэбсайтын хэрэглээг хянах хатуу зохицуулалт байв.
Хууль нь энэ оны сүүлээр хэрэгжиж эхэлнэ. Порно агуулгатай сайт руу нэвтрэх гэсэн хүн бүр энэ хууль ёсоор гудамжны сонин, сэтгүүл зардаг цэгүүдээс “porn pass” нэртэй хандах эрхийг худалдаж авахаар болжээ.
Ингэхдээ өөрийгөө насанд хүрснийг батлах ёстой гэнэ.
Мөн вэбсайтууд нь нэвтэрч байгаа хүнийхээ насыг давхар шалгаж, баталгаажуулах ёстой. Ингээгүй бол хатуу шийтгэлтэй юм.
Шаардлагыг биелүүлээгүй сайтуудыг засгийн газар блоклох арга хэмжээ авахаас гадна 250,000 хүртэл паундаар ($350,000) торгох шийтгэл оноох ажээ.
Гэвч шинэ хуулийг хэрэгжүүлэхийн тулд тодорхой гарын авлага, журам хэрэгтэй болж байгаагаас хэрэгжих хугацааг анх төлөвлөснөөс хойшлуулаад байгаа юм.
Эх сурвалж: The Verge
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
13 СЭТГЭГДЭЛТЭЙ
|
