ҮСХ: Өнгөрсөн онд төрөлт 5.7 хувиар буурсан байна
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Төрөлт болон нас баралтын мэдээллийг Үндэсний Статистикийн Хороо (ҮСХ)-ноос танилцууллаа.
Улсын хэмжээнд өнгөрсөн онд нийт 56.2 мянган хүүхэд төрсөн нь өмнөх оноос 5.7 хувиар буурсан үзүүлэлттэй байна.
Төрөлтийн нийлбэр коэффициент нь нэг эмэгтэйн нөхөн үржихүйн амьдралынхаа хугацаанд төрүүлж буй нийт хүүхдийн тоог илэрхийлдэг статистик үзүүлэлт бөгөөд 2025 оны байдлаар 2.4 байна.
2025 онд 19.1 мянган хүн нас барсан нь өмнөх оноос 2.1 хувиар буурсан үзүүлэлт байна. Нас баралтын ерөнхий коэффициент нь тухайн жилийн 1,000 хүн тутамд ногдох нас баралтын тоог илэрхийлдэг статистик үзүүлэлт бөгөөд 2025 онд 5.4 байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
