Монгол компани дэлхийд тэргүүлэгч SEALY брэндийг Төв Азид нэвтрүүллээ

Дэлхийн өндөр зэрэглэлийн матрасс, ор, дагалдах хэрэглэлийн салбарын №1 брэнд болох АНУ-ын SEALY нь 145 жилийн ой дээрээ Төв Азийн зах зээлд албан ёсоор нэвтэрч, анхны Sealy Luxury Sleep Boutique шоурүүм дэлгүүрээ Казахстан улсын Алматы хотноо нээлээ.

Энэхүү үйл явдал нь Монгол компани дэлхийд тэргүүлэгч олон улсын брэндийг зөвхөн Монгол Улсад төдийгүй Казахстан болон цаашлаад Төв Азийн бүс нутагт албан ёсоор төлөөлөн хөгжүүлэх эрх, хариуцлагыг авч хэрэгжүүлж буй онцгой түүхэн алхам болж байгаагаараа онцлогтой.

Пи Жэй Брос ХХК нь тэртээ 2013 оноос Нью-Йоркийн хөрөнгийн биржид бүртгэлтэй АНУ-ын TEMPUR SEALY INTERNATIONAL (Somnigroup NYSE:SGI) корпорацтай хамтын ажиллагаагаа эхлүүлж, 2014 онд Улаанбаатар хотод анхны Sealy Gallery шоурүүмээ нээж байсан. Өдгөө тус хамтын ажиллагаа шинэ шатанд гарч, Пи Жэй Брос ХХК нь дэлхийн №1 брэндийг гадаад улсад төдийгүй тодорхой бүс нутагт төлөөлөн ажиллаж буй анхны Монгол компани болж байна.

 

Өнгөрөгч 2026 оны 4-р сарын 23-ны өдөр SEALY брэндийн Төв Азийн албан ёсны танилцуулга арга хэмжээ болон анхны Sealy Luxury Sleep Boutique шоурүүм дэлгүүрийн нээлтийн ёслолыг амжилттай зохион байгууллаа. Нээлтийн арга хэмжээнд SEALY INTERNATIONAL корпорацын гүйцэтгэх захирал George Dyer, Алматы хот дахь АНУ-ын Ерөнхий Консул Michelle Yerkin, SEALY Төв Азийн бүс, Монголыг хариуцсан гүйцэтгэх захирал Л.Пэрэнлэйжамц болон бусад бизнес, дипломат, худалдааны салбаруудын хүндэт зочид оролцож, брэндийн шинэ бүс нутгийн эхлэлийг хамтдаа ёслол төгөлдөр тэмдэглэв.

Тэртээ 19-р зууны 1881 онд үүсгэн байгуулагдсан SEALY брэнд нь дэлхийн матрасс, ор, тавилгын салбарын хамгийн том брэнд ба АНУ-ын тэргүүлэх нуруу-нугасны мэс заслын эмч, мэргэжилтнүүдийн тусгай судалгаанд үндэслэн хийгддэг учраас нурууны өвчнөөс сэргийлэхэд хамгийн сайнаараа дэлхийн зах зээлд танигдсан, зөв эрүүл амьдралын хэв маягийг дэмжигч брэнд юм.

АНУ-ын ерөнхийлөгчийн Цагаан Ордон-оос эхлээд дэлхийн хамгийн тансаг зэрэглэлийн гэгддэг Дубай дахь Burj Al-Arab Jumeirah болон Four Seasons, Ritz-Carlton, St.Regis, Grand Hyatt, Sheraton, Marina Bay Sands зэрэг 5-одтой зочид буудлууд төдийгүй талын Монгол айлын эрхэмсэг хэрэглээ болж танигдсаар 12 жил болсон байна. Дэлхийн хаа нэгтээ 9-секунд тутамд нэг SEALY брэнд бүтээгдэхүүн худалдан авагчдадаа хүрдэг.

 

SEALY брэндийн Казахстан дахь нээлт нь зөвхөн нэг шинэ шоурүүм дэлгүүрийн нээлт бус, харин Монгол бизнес олон улсын түвшинд өргөжин тэлж буй амжилтын илэрхийлэл, мөн Монгол компаниудын Төв Азийн зах зээлд нэвтрэх түүчээ, тус орнуудтай хийж буй өргөн харилцаа, хамтын ажиллагааны илрэл боллоо.

Пи Жэй Брос ХХК нь цаашид Монгол, Казахстан болон Төв Азийн бусад улсуудад SEALY брэндийн 20 гаруй тансаг зэрэглэлийн шоурүүм дэлгүүрийг үе шаттайгаар нээж, бүс нутгийн хэрэглэгчдэд дэлхийн жишигт нийцсэн эрүүл, тав тухтай нойрны соёлыг хүргэхээр ажиллаж байна.

Шоурүүм-1: SEALY GALLERY - Zaisan Square Center 3F - 7711-1190
Шоурүүм-2: SEALY SELECT - Life Tower 2F /Soyol Wellness-н хажууд/ - 7711-1290

www.sealy.mn
www.facebook.com/SealyMongolia
www.instagram.com/sealykz