Туркийн ерөнхийлөгч Эрдоган удахгүй Монголд айлчлах гэж байгаагаа мэдэгджээ
Туркийн ерөнхийлөгч Рэжэп Тайип Эрдоган өчигдөр дотоодын нэгэн улс төрийн арга хэмжээн дээр үг хэлэхдээ ойрын үед Монгол, Өмнөд Солонгос улсуудад айлчлах гэж байгаагаа хэлснийг тус улсын өдөр тутмын Yeni Safak сонин мэдээлжээ.
Тэр ирэх зургаадугаар сарын 24-нд болох ээлжит бус сонгуулиар Туркийн засаглалын хэлбэрийг парламентынхаас ерөнхийлөгчийн болгон өөрчлөх гэж байгаатай холбогдуулан дээрх арга хэмжээнд оролцсон байна.
Эрдоган айлчлалаараа Өмнөд Солонгос болон Монголын удирдлагуудтай бүс нутгийн, олон улсын асуудлууд болон хамтын ажиллагааны асуудлуудыг хэлэлцэнэ гэжээ.
Саяхан болж өнгөрсөн хоёр Солонгосын дээд хэмжээний уулзалтын үр дүнг талархан хүлээж авч байгаагаа тавдугаар сарын 2-нд Өмнөд Солонгосын ерөнхийлөгч Мүүн Жэ Интэй уулзахдаа мэдэгдэнэ гэж тэр ярьсан байна.
Тиймээс Монголд айлчлах цаг хугацаа нь ирэх долоо хоногт байх бололтой.
Эх сурвалж: Yeni Safak
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
39 СЭТГЭГДЭЛТЭЙ
|
