Баярын арга хэмжээний үеэр бага насны хүүхдийг төөрөхөөс сэргийлж Төв талбай дээр дуудлага, мэдээлэл хүлээн авч ажиллана
Нийслэлийн цагдаагийн газрын нийт бие бүрэлдэхүүн “Шинэ жил – Эргүүл, хяналт” нэгдсэн арга хэмжээний хүрээнд Цагдаагийн ерөнхий газрын даргын тушаалаар өндөржүүлсэн бэлэн байдалд шилжээд байгаа.
Баяр, амралтын өдрүүдэд гэмт хэрэгтэй тэмцэх, иргэдийн амар тайван байдлыг хангах, гарч болзошгүй гэмт хэрэг, зөрчлөөс урьдчилан сэргийлэх зорилгоор 360 чиглэлд цагдаагийн алба хаагчид Хууль сахиулахын их сургуулийн сонсогчидтой хамтран авто болон явган эргүүлийн үүрэг гүйцэтгэн ажиллаж байна.
Мөн өнөөдөр орой болох олон нийтийг хамарсан баярын арга хэмжээний үеэр бага насны хүүхэд эцэг, эх асран хамгаалагчаасаа төөрөхөөс урьдчилан сэргийлэх зорилгоор Сүхбаатарын талбай дээр дуудлага, мэдээлэл хүлээн авч ажиллана гэж Нийслэлийн цагдаагийн газраас мэдээллээ.
