2018/05/23
Америк доллар
МОНГОЛ БАНК:
2,408.41₮
B34
УЛААНБААТАР
23°
|
B30
УЛААНБААТАР
27°
|
B28
УЛААНБААТАР
11°
|
10°
15:00
S44
23°
16:00
S44
23°
17:00
S32
22°
18:00
S32
22°
19:00
S32
21°
20:00
S32
19°
21:00
S32
16°
22:00
S32
14°
23:00
S32
13°
00:00
S32
12°
01:00
S32
11°
02:00
S32
10°
Энэ мэдээ хуучирсан буюу 2017/11/15 -нд нийтлэгдсэн мэдээ болно.

Б.Хурц Ж.Батзанданг шүүхэд өглөө

Б.Цэнд, Үндэсний шуудан
2017 оны 11 сарын 15
Үндэсний шуудан
Гэрэл зургийг mpa.mn

УИХ-ын гишүүн Ж.Батзандан Тагнуулын ерөнхий газрын дарга асан Б.Хурцыг БНСУ-ын Элчин сайдаар томилохыг эсэргүүцэж, УИХ-аар нээлттэй сонсгол явуулахыг уриалсан билээ.

Тэрбээр Б.Хурцыг талийгч Д.Энхбатыг хулгайгаар авчирч, хилс хэргээр хорьж, үхэлд хүргэсэн хэмээн мэдэгдээд “Хууль бусаар хүн хулгайлсан хэргээр Герман, Англи, Европын холбоо Б.Хурцыг шалгаж байна. Тэр Европын холбоо руу орох эрхгүй болсон. Энэ хэргийг шалгах ёстой. Мөн С.Зоригийн хэргийн захиалагчийг зарлахгүй гурван хүнд ял өгсөн нь Б.Хурцын хийсэн ажил, түүнээс хүн болгон айдаг. “Эрдэнэт” үйлдвэрийн 49 хувийг Худалдаа хөгжлийн банканд авч өгөх ажиллагааг гардан зохион байгуулсан хүн бол алдарт тагнуулч Б.Хурц. Тэр төрийн албаны тэр дундаа Тагнуулын ерөнхий газрын дарга хэр нь хувийн компанийн менежер хийсэн” гэсэн юм.

Ж.Батзандан гишүүн Б.Хурцын асуудлаар нээлттэй сонсгол явуулахаар гишүүдээс гарын үсэг зуруулаад эхэлжээ. Хэрвээ 19 гишүүн гарын үсэг зурвал УИХ-аар нээлттэй сонсгол явуулах юм байна. Харин Тагнуулын ерөнхий газрын дарга асан Б.Хурц нэр төрд халдсан гэх асуудлаар УИХ-ын гишүүн Ж.Батзанданг Сонгинохайрхан дүүргийн шүүхэд өгчээ.

Тэрбээр “Ямар хэлбэрээр мэдээлэл тараасан шигээ эргээд уучлалт гуйх ёстой" гэсэн хүсэлт гаргажээ. Шүүхээс Ж.Батзанданг буруутай гэж үзвэл Төрийн ордонд Б.Хурцаас уучлалт гуйх аж.

x