Нийслэлийн 2024-2026 онуудын төсвийн зарцуулалтаар хяналтын сонсгол зохион байгуулна
УИХ-ын Төсвийн байнгын хорооноос “Нийслэлийн 2024-2026 онуудын төсвийн зарцуулалт, хөрөнгө оруулалтын төслүүдийн хэрэгжилт холбогдох хууль тогтоомжид нийцсэн байдлын талаар” ерөнхий хяналтын сонсгол зохион байгуулахаар болсон.
Хяналтын сонсголыг 2026 оны зургаадугаар сарын 15, 16-ны өдрүүдэд явуулахаар товлоод буй.
Тэгвэл Төсвийн байнгын хорооны өчигдрийн хурлаас Ерөнхий хяналтын сонсгол даргалагчаар УИХ-ын гишүүн Ж.Золжаргалыг сонгожээ.
Харин хяналтын сонсголын бэлтгэл хангах, зохион байгуулах ажлын хэсгийг УИХ-ын гишүүн Д.Энхтүвшин ахлуулж, Н.Алтаншагай, Р.Батболд, Ж.Баярмаа, Д.Бум-Очир, Б.Заяабал, Ж.Золжаргал, Ч.Лодойсамбуу, П.Сайнзориг, Б.Хэрлэн, Да.Цогтбаатар нарын бүрэлдэхүүнтэйгээр байгуулсан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
