ҮЙЛ ЯВДАЛ: Валютын ханшийн өсөлтийн талаар хэлэлцүүлэг зохион байгуулна

Туушин зочид буудалд

09:00 цагт “Залуучуудын гарааны бизнесийг дэмжих нь” сэдэвт зөвлөлдөх уулзалт болно.

37-р сургуулийн хажууд

10:00 цагт Хотын дарга С.Батболд 7 буудал, Сэлбийн дахин төлөвлөлтийн үйл ажиллагаатай танилцана.

Сүхбаатар дүүргийн Засаг даргын Тамгын газарт

10:00 цагт Иргэдийн эрх зүйн мэдлэгийг дээшлүүлэх зорилготой зөвлөгөө өгөх өдөрлөг болно.

СХД-ийн нэгдсэн эмнэлэгт

10:00 цагт Нийслэлийн Сонгинохайрхан дүүргийн эмнэлэг МУЗН-ээс шаардлагатай 40 ор нэмж өгөх үйл ажиллагаа болно.

Хэвлэлийн Хүрээлэнд

11:00 цагт Чихрийн шижин өвчтэй хүмүүсийн тоо улам бүр нэмэгдэж байгаа тухай Монголын диабет холбооноос мэдээлэл хийнэ.

Цагдаа олон нийтийн хамтын ажиллагааны төв /Лицензийн төв/-д

11:00 цагаас Баянзүрх дүүрэг дэх цагдаагийн хоёрдугаар хэлтсээс энэ онд хийж хэрэгжүүлсэн ажлаа олон нийтэд тайлагнаж, танилцуулж, гэмт хэргээс урьдчилан сэргийлэх ажилд идэвх, санаачилгатай оролцсон иргэн, ААНБ-д шагнал гардуулах үйл ажиллагаа зохион байгуулна. Уг үйл ажиллагааны үеэр тус хэлтэст хамаардаг нутаг дэвсгэрт үйлдэгдсэн гэмт хэрэг болон хэв журмын нөхцөл байдлын талаар мэдээлэл өгнө.

ХХААХҮЯ-нд

11:30 цагаас Өвөлжилтийн нөхцөл байдлын талаар мэдээлэл хийнэ.

СУИС-ийн төв байранд

12:00 цагт ЮНЕСКО-гийн 2005 оны "Соёлын илэрхийллийн олон төрөл зүйлийг хадгалан хамгаалах болон хөхиүлэн дэмжих конвенц"-ийн 10 жилийн үр дүнг нэгтгэсэн “Соёлын бодлогыг дахин тодорхойлох нь” дэлхийн тайлангийн хураангуйг монгол хэлнээ хөрвүүлэн гаргасантай холбогдуулан мэдээлэл хийнэ.

Шадар сайдын өрөөнд

14:00 цагт Зуд болон өвөлжилтөд дэмжлэг авах зорилгоор Монгол Улсад үйл ажиллагаа явуулж буй Олон Улсын байгууллагуудын дарга нартай Шадар сайд У.Хүрэлсүх уулзалт хийнэ.

Барилга, Хот Байгуулалтын Яамны гадна

14:00 цагт Хангай хорооллын байрандаа орж чадалгүй олон сар болж буй хохирогчид жагсаал хийнэ.

МҮХАҮТ-ын Их танхимд

14:00 цагт "Валютын ханшийн өсөлт, Засгийн газар, Монголбанкнаас авч хэрэгжүүлж буй арга хэмжээ"-ний талаар уулзалт, хэлэлцүүлэг зохион байгуулна.

НЗДТГ-ын Б танхимд

14:00 цагт "Шинэ санаа-Шилдэг инноваци" уралдааны шагнал гардуулах ажиллагаа болно.