ХУУЧИРСАН МЭДЭЭ: 2016/07/16-НД НИЙТЛЭГДСЭН
ОНЦЛОХ ЭШЛЭЛ: Ашиг сонирхлын ялгаа бидэнд СААД БОЛОХ ЁСГҮЙ
iKon.MN
АСЕМ-ийн дээд хэмжээний уулзалт өндөрлөж Ерөнхийлөгч Ц.Элбэгдорж тэргүүтэй удирдагчид гадаад, дотоодын 200 гаруй сэтгүүлчидтэй уулзаж хэвлэлийн бага хурал хийлээ.
Уг хэвлэлийн бага хуралд оролцогчдын хэлсэн ОНЦЛОХ ЭШЛЭЛүүдийг хүлээн авна уу.
Монгол Улсын Ерөнхийлөгч Ц.Элбэгдорж:
"Бид 2050 онд Олимп зохион байгуулна гэж мөрөөдөж байгаа"
"Хоёр тивийн удирдагчид нэгдэж чадлаа"
"АСЕМ-ын уулзалт бараг 100 жилийн дараа Монгол Улсад зохион байгуулагдаж магадгүй"
"Сэтгүүлч нар маш сайн ажиллалаа. Дэлхийн 1.5 тэрбум хүн та бүхний бэлтгэсэн мэдээллийг үзсэн байгаа"
"АСЕМ амжилттай болж өндөрлөлөө. Сурсан зүйл маань бидэнтэй хамт үлдэнэ. Энэ бол хөрөнгө оруулалт юм"
"Гадаад хэргийн сайд бид хоёр 60 гаруй хоёр талын уулзалтууд хийсэн"
"АСЕМ зөвхөн удирдагчдийн чуулга уулзалт биш. Энэ бол залуучуудын, эмэгтэйчүүдийн, хэвлэл мэдээллийнхний чуулдаг уулзалт юм"
Европын Зөвлөлийн Ерөнхийлөгч Дональд Туск:
"Энэ удаагийн уулзалт хэзээ ч мартагдахааргүй дурсамж бидэнд үлдээлээ"
"Бид дэлхий нийтийн хэмжээнд эв нэгдлээ илэрхийлж, терроризмын эсрэг хамтдаа тэмцэх ёстой гэсэн мэссэжийг энэ индэр дээрээс дуу хоолойгоо хамтдаа хүргэсэн"
"Өнгөрсөн өдрүүдэд болсон террорист халдлага манай хоёр тивд аюултай. Тийм учраас бид дээд хэмжээний уулзалтын үеэр энэ асуудлыг ярилцсан"
"АСЕМ-ийн зохион байгуулалт өндөр түвшинд байлаа"
"Турк бол манай Европын холбооны гол түншийн нэг. Тийм болохоор Турк Үндсэн хуулийн аргаар цаашид ардчиллыг хөгжүүлэх ёстой гэдэгт санал нэгдсэн"
"Европын холбооны зүгээс Ази тивтэй түншлэх нь чухал байдаг"
"Хөгжил болон аюулгүй байдлын асуудал нь маш чухал юм. Үүнд анхаарал татсан асуудлууд нь Украины асуудал, Солонгосын хойгийн асуудал, Өмнөд Хятадын тэнгисийн асуудал юм"
Мьянмар Улсын Ерөнхийлөгч У Тин Чяу:
"Амьдралд нэг тохиох гайхалтай туршлага байлаа. Энэ гайхалтай орны байгалийг үзсэндээ, зочломтгой занд тань баярлалаа"
"Бид нийтлэг ашиг сонирхолтой холбоотой асуудлуудын талаар ярилцлаа"
"Хоёр бүс нутгийн уялдаа холбоог сайжруулах тал дээр бид санал нэгдэж чадсан"
"Монгол Улсад баярлалаа. Үнэхээр мэргэжлийн түвшинд зохион байгууллаа гэж үзэж байна"
"Бид АСЕМ-ын гурван тулгуур багана болон хоёр бүс нутгийн уялдаа холбоог сайжруулах хэрэгтэй гэдэгтэй санал нэгдлээ"
"Уялдаа холбоог хүн бүр өөр өөрийнхөөрөө ойлгодог учраас зөөлөн болон хатуу уялдаа холбооны асуудлаар хамтран ажиллах хэрэгтэй байна"
"Улс орон болгон өөр өөрийн гэсэн бэрхшээлтэй хэдий ч бүгд ард иргэдийнхээ ашиг сонирхлын төлөө явж байгаа"
"Ашиг сонирхлын ялгаа бидэнд саад болох ёсгүй"
Европын Комиссын Ерөнхийлөгч Жан-Клод Юнкер:
"Монголд болсон АСЕМ-ын уулзалт өмнөх бүх уулзалтаас хамгийн үр дүнтэй нь байлаа"
"Ц.Элбэгдорж Ерөнхийлөгч хурлыг сайхан удирдлаа. Улс орноо ч сайхан удирдаж байна"
"Монгол Улсад ирснээс хойш маш зочломтгой хандаж байна"
"Энэ арга хэмжээ Ази-Европ хоёр тивийг ойртуулж өгдөг. Энэ удаагийнх хамгийн онцлог нь байлаа"
"Дэлхийн хэмжээнд тулгамдаж буй сорилтууд болох терроризм, ажлын байрыг нэмэгдүүлэх, уур амьсгалын өөрчлөлт зэргийг бид ярилцсан"
"Дараагийн АСЕМ-ын уулзалтыг бид 2018 онд Брюсельд зохион байгуулна"
Словак Улсын Ерөнхий сайд Роберт Фицо:
"Европ-Ази тивүүд хоорондоо хамтран ажиллах хэрэгтэй байгааг сануулж байна. Турк, Францад болсон асуудлууд бидэнд хамаагүй зүйл биш"
"Би Монгол орны Засгийн газар, зочломтгой найрсаг занд нь талархаж байна"
"АСЕМ-ийн 20 жилийг тэмдэглэхэд тусалсан Монголын ард түмэнд талархъя"
"Европын холбоог даргалж байгаа улсын хувьд би эх орноо төлөөлж оролцож байгаа нь нэр төрийн хэрэг"
"Энэхүү уулзалт бидэнд тулгамдаж буй асуудлуудын талаар ярилцах боломжийг олгосон"
"Бид ирэх 10 жилдээ АСЕМ-ийг улам урагшлуулахад бэлэн байна"
Гэрэл зургийг: Монголын Гэрэл Зурагчдын Нэгдсэн Холбоо
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
