“АЛТАН ХУЛГАНА” наадам 11 дэх жилдээ болох гэж байна

Шинжлэх Ухаан Технологийн Их Сургуулийн харьяа Үйлдвэрлэлийн Технологийн сургууль нь дизайны мэргэжлээр сурч буй оюутан залуусын чөлөөт сэтгэлгээ, уран бүтээлийн онцлогийг харуулах, бүтээлч хандлагыг дэмжих, дизайныг тодорхойлсон бодлого концептийг нийтэд түгээх, сургалтын онцлогийг таниулах зорилготой зохион байгуулагдаж эхэлсэн “Алтан хулгана” наадам 2016 онд 11 дэх жилдээ “Бидний шийдэл” гэсэн сэдвийн дор монгол агуулга, сэтгэлгээг тусгасан бүтээлээр зохион байгуулагдах гэж байна. 

Энэхүү наадам нь Visual communication design, Interior exterior design, Product design гэсэн 3 бүлэгт хуваагдан 20 номинацаар оюутнуудын бүтээлийг шалгаруулах юм байна. Энэ жилийн наадам нь "Бидний шийдэл" гэсэн сэдвийн дор монгол агуулга, сэтгэлгээг тусгасан бүтээлийг хүлээн авч шалгаруулахаас гадна "Дизайны тулгамдсан асуудлууд" сэдвийн дор оюутны эрдэм шинжилгээний бага хурал болох аж. 

 

Удирдамж:

ЗОРИЛГО
Дизайны мэргэжлээр сурч буй оюутнуудын чөлөөт сэтгэлгээ, уран бүтээлийн онцлогийг харуулах, бүтээлч хандлагыг дэмжих, дизайныг тодорхойлсон бодлого концептийг нийтэд түгээх, сургалтын онцлогийг таниулах зорилготой.

СЭДЭВ
“Бидний шийдэл” гэсэн сэдвийн дор монгол агуулга, сэтгэлгээг тусгасан бүтээлээр оролцоно.

ХЭН ОРОЛЦОХ
Visual communication design, Graphic design, Interior design болон дизайны чиглэлээр сурч буй их дээд сургуулиудын оюутнууд.

ХЭРХЭН ОРОЛЦОХ

1. Номинаци тус бүрд өөрсдийн сонирхол, хүсэл эрмэлзэл, авьяас, ур чадвараараа ганцаарчилсан болон баг бүрдүүлэн оролцож болно
2. 2016 оны 04-р сарын 25-ны өдрийн 09:00 цагаас 2016 оны 04-р сарын 29-ны өдрийн 15:00 хүртэл бүтээл хураана.
3. Дизайны мэргэжлийн чиглэлийг хамарсан бөгөөд дизайны шинэлэг үзэл санааг дэвшүүлсэн эсвэл бүтээгдэхүүнд хэрэгжүүлж болохуйц шийдэлтэй байх.
4. Багаар болон ганцаарчилсан хэлбэрээр оролцож болно.
5. 2015-2016 онд хийгдсэн өмнө нь нийтэд танилцуулаагүй, оюутаны бүтээл байх.

БҮТЭЭЛД ТАВИГДАХ НИЙТЛЭГ ШААРДЛАГА

1. Бүтээл нь уралдааны хүрээнд нийцсэн сэдэвтэй байх
2. Бүтээл нь тухайн оролцогчийн өөрийн өмч байх (Бусдын бүтээл ашигласан тохиолдолд уралдаанаас хасахыг анхаарна уу)
3. Бүтээл нь архи, тамхи, садар самуун сурталчилсан утга, агуулгагүй байх
4. Хувь хүний нэр хүнд, хувийн нууцтай холбоотой хууль зөрчсөн бүтээлийг хүлээн авахгүй.

НОМИНАЦУУД:
/Visual communication design/

1. Дүрийн шийдэл /Character design/
2. Тоглоомын дизайн /Toy design/
3. Тоглоомын дизайн /Game design/
4. Анимаци /Animation/
5. Дижитал арт /Digital art/
6. Брэнд дизайн /Identity design/
7. Постер дизайн /Poster design/
8. Комик ном /Comic design/
9. Бүтээгдэхүүний гэрэл зураг /текстгүй/
10. Визуал эффект /VFX/
11. Богино хэмжээний кино /1-5 минут /
12. Видео арт/Video art, time-lapse/
13. Тэмдэг тэмдэглэгээний дизайн /Display design - sign design/
14. Вэб болон программын дизайн /Web and application design/
15. Ном сэтгүүлийн дизайн

/Interior, exterior design/

1. Интерьер төлөвлөлт
2. Экстерьер төлөвлөлт

Эдэлхүүний дизайн

1. Сав баглаа боодлын дизайн
2. Тавилгын дизайн
3. Бүтээгдэхүүний шинэ дизайн

“Дизайны тулгамдсан асуудлууд” сэдвийн дагуу эрдэм шинжилгээний илтгэл /Хугацаа 10-15мин/
Дизайны шилдэг удирдагч багш
Wacom tablet дээрх зургийн тэмцээн

Холбоос: www.must.edu.mn, www.facebook.com/altanhulgana

Алтан Хулгана-2015 Оюутны бүтээлүүдээс