ҮЙЛ ЯВДАЛ: 2016 онд хийгдэх автозамын бүтээн байгуулалтын асуудлыг хэлэлцэнэ

Гэрэл зургийг mpa.mn

Төрийн ордонд

10:00 цагт Иргэдээс Өргөдлийн байнгын хороонд ирүүлсэн өргөдлийн дагуу иргэд, холбогдох албан тушаалтнуудаас тайлбар авах уулзалт болно.

Монголын Улаан загалмай нийгэмлэгийн байранд

10:00 цагт Хөдөлмөрийн сайд Г.Баярсайхан өвөлжилт хүндэрсэн малчдад эд материалын тусламжийг Монголын Улаан загалмай нийгэмлэгт гардуулна.

Жуковын хөшөөнд

10:00-10:30 цагт ОХУ-ын "Эх орноо хамгаалагчдын өдөр" тохиож байна. Энэ өдөр манай улсад суугаа ОХУ-ын Элчин сайд болон Батлан хамгаалахын сайд Ц.Цолмон нарын БХЯ, ЗХЖШ-ын удирдлагууд Зөвлөлтийн дайчдын хөшөөнд 10.00 цагт, Жуковын хөшөөнд 10.30 цагт цэцэг өргөж хүндэтгэл үзүүлнэ. 

Үндэсний мэдээллийн төвд

11:00 цагт "Төмөрлөг автомашин үйлдвэрлэл инженерингийн холбоо"-ноос сонгуулийн мөрийн хөтөлбөрт "Аж үйлдвэржилт ба эдийн засгийн аюулгүй байдал" сэдвийн хүрээнд тусгах саналын талаар мэдээлэл хийнэ.

11:30 цагт МАХН-ын дэргэдэх "Ардчилал, шударга ёс" МЗХ-ноос АТГ-ын эсрэг тууштай тэмцэж, шат дараатай арга хэмжээ авах болсон талаар мэдээлэл хийнэ.

"8 шарга" валютын захын Капитал банк дээр

11:00 цагт "Сентерра гуолд" компанийн Ноён уулыг ухах мөрөөдөл салхинд хийссэн тухай хуульч, өмгөөлөгч нар болон нутгийн иргэд мэдээлэл хийнэ. 

11:30 цагт БЗД-ийн засаг дарга Д.Пүрэвдаваад удаа дараа зодуулсан тус дүүргийн Хүүхэд гэр бүл, хөгжлийн газрын дарга Н.Эрдэнэ ноцтой баримт нотолгоотойгоор мэдээлэл хийнэ.

Хангарьд ордонд

12:00 цагт Нийслэлийн удирдлагын зөвлөлийн ээлжит бус хуралдаанаар 2016 онд хийгдэх автозамын бүтээн байгуулалтын асуудлыг хэлэлцэнэ.

МҮЭХ-ны байранд

12:00 цагт Үйлдвэрчний эвлэлийн нэгдсэн хорооны татварыг зогсоосонтой холбогдуулан шүүхэд нэхэмжлэл гаргаад байгаа тухай мэдээлэл хийнэ

ГХЯ дээр

14:00 цагт "Мэдээллийн цаг" уулзалтаар Монгол улс албан ёсоор БНХАУ-руу мах экспортолдог болсон тухай болон АСЕМ-ын бэлтгэл ажилтай холбоотой мэдээлэл хийнэ.