Өршөөлийн хуулийг хэлэлцэхийг дахин гурав хоногоор хойшууллаа
Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан Өршөөл үзүүлэх тухай хуулийг баталсан билээ.
Уг хуульд нэмэлт өөрчлөлт оруулах асуудал өдгөө УИХ-аар хэлэлцэн батлах шатандаа яваа. Өнгөрсөн долоо хоногт уг асуудлыг хэлэлцэх байсан ч “Шударга ёс” эвслээс тав хоногийн завсарлага авсан. Энэхүү завсарлагын хугацаа өнөөдөр дуусч байгаа ч “Шударга ёс” эвсэл дахин гурав хоног хойшлуулах хүсэлт гаргав.
Тус эвслийн бүлгийн хүсэлтийг бүлгийн дарга Н.Батцэрэг танилцуулснаар УИХ-ын дарга Өршөөл үзүүлэх тухай хуульд нэмэлт өөрчлөлт оруулах тухай хуулийн төслийг хэлэлцэхийг гурав хоногоор хойшлуулах шийдвэр гаргав.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
