Зарим сайдыг тусад нь суулгана
УИX-ын чуулганы танхимын тодорхой хэсэгт УИХ-ын гишүүн, сайдаар давхар ажилладаг хүмүүст зориулан тусгайлсан суудал гаргахаар болжээ.
Энэ тухай УИХ-ын даргын дэргэдэх зөвлөлийн хурлаар хэлэлцэн шийдвэрлэсэн гэнэ. Энэхүү суудлын хуваарилалт энэ долоо хоногоос хэрэгжинэ.
УИХ-ын даргын энэхүү саналыг гишүүд санал нэгтэй дэмжжээ. Олон сайд УИХ-ын гишүүн учраас Засгийн газраас оруулсан асуудлыг хэлэлцэх явцад сайд нарыг тусад нь суулгаж, гишүүдийн асуултад хариулах боломжийг ийн бүрдүүлж байгаа юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
