Ялалтын баярт зориулсан ЁСЛОЛЫН БУУДЛАГА Чингисийн талбайд болно

Гэрэл зургийг mpa.mn

Аугаа их Эх орны дайны ялалтын 70 жилийн ойн баярын хүрээнд өнөөдөр буюу 2015.05.09-ний өдөр Улаанбаатар хотод дараах арга хэмжээ зохион байгуулагдана.

• 11.00 цагт Зайсан дахь Зөвлөлтийн дайчдын хөшөөнд цэцэг өргөнө.
• 11.30 цагт Г.К.Жуковын хөшөөнд цэцэг өргөж хүндэтгэл үзүүлнэ.
• 14.00 цагт Чингисийн талбайд баярын арга хэмжээ үргэлжилнэ.
• Цэргийн ёслолын жагсаал Москва хотын цагаар 10.00, Улаанбаатар хотын цагаар 16.00 цагт эхлэх бөгөөд Улаанбаатар хотын томоохон дэлгэцүүд болон телевизээр орон даяар шууд дамжуулна.
• Чингисийн талбайд иргэд цэргийн хээрийн хоол идэж, Цэргийн дуу, бүжгийн эрдмийн чуулга, Үлгэр жишээ үлээвэр найрал хөгжмийн уран бүтээлчдийн ялалтын баярын тухай түүвэр тоглолтыг үзэх боломжтой.
• 19.00 цагт Монголын үйлдвэрчний эвлэлийн Соёлын төв өргөөнд Цэргийн дуу, бүжгийн эрдмийн чуулгын уран бүтээлчид "День победы" хүндэтгэлийн тоглолтоо үзэгч олонд толилуулна.
• 22.00 цагт Чингисийн талбайд Ёслолын буудлага болно.