Улаанбуудайг ХАА-н биржээр арилжина
Хүнсний улаанбуудайг ХАА-н биржээр арилжих анхны худалдаа энэ сарын 10-ны 11-12 цагийн хооронд болно.
2014 оны намрын ургацаас Тариалан эрхлэлтийг дэмжих санд авсан 30,000 гаруй тонн хүнсний улаанбуудай байгаагаас эхний ээлжинд 500 тонныг туршилтаар арилжих юм.
Энэ нь спот буюу агуулахад бэлэн байгаа буудайн дээр хийгдэх арилжаа бөгөөд үүн дээр суурилаад 2015 оны намрын ургацаас гарах буудайнд фүжерсийн арилжааг явуулахаар төлөвлөж байна.
Биржээр арилжсанаар эрэлт нийлүүлэлтээс хамаарч худалдагч, худалдан авагч талуудын хооронд зах зээлийн жамаар үнэ тогтох мөн тэдгээр талуудын хооронд төлбөрийн асуудал үүсэхгүй байх давуу талтай юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
