ХУУЧИРСАН МЭДЭЭ: 2015/03/23-НД НИЙТЛЭГДСЭН
Занданшуулсан шарилыг Гандантэгчилэн хийдэд шилжүүлжээ
Зууны мэдээ
Сонгинохайрхан дүүрэг дэх айлын хашаанаас олдсон занданшуулсан шарилыг сэргээн засуулахаар Шүүхийн Шинжилгээний Үндэсний Хүрээлэнгээс Гандантэгчинлэн хийдэд шилжүүлжээ.
Шарилыг өнгөрсөн нэгдүгээр сард иргэн Э хашаандаа нууж байсныг илрүүлсэн бөгөөд анхны шинжилгээгээр нэртэй ламын шарил болохыг мэргэжилтнүүд тогтоогоод байсан юм.
Мөрдөн байцаалтын явцад шарил нь Архангай аймгийн Цахир сумын Гэсэр хэмээн өргөмжлөгдсөн шүтээнтэй хамт тус сумын нутагт ил оршуулсан Цорж Санжжав гэж олноо хүндлэгдсэн лам хүний цогцос болох нь тогтоогджээ. Шарилыг сэргээн засварласны дараа нутагт нь буцаан залах ажээ.
