Хятадын кино театрын сарын борлуулалт АНУ-ынхыг давлаа
Өнгөрсөн хоёрдугаар сарын Хятадын зах зээл дэхь кино театруудын орлого анх удаагаа АНУ-ынхыг давж дэлхийн дээд амжилтыг тогтоолоо.
Сарны тооллын шинэ жилийн эхний өдөр буюу хоёрдугаар сарын 19-нд дангаараа 356 сая юань ($56.75 сая) олсон байна. Харин хоёрдугаар сард Хятадын кино театрууд нийтдээ 4.05 тэрбум юань ($645.7 сая) олсон нь ийнхүү дэлхийн дээд амжилт тогтоожээ.
АНУ-ын түүхэн дэхь хамгийн өндөр орлоготой сард орлого $639.78 сая хүрч байсан юм.
Шинийн нэгний өдөр Хятад даяар долоон шинэ кино нээлтээ хийсэн байна. Эдгээрээс хамгийн өндөр орлого олсон нь “Вегасаас Макао руу 2” 653 сая юань ($104.1 сая). Энэ кинонд Чоу Юн-Фат тогложээ
Хоёрт нь Жэки Чаны тоглосон “Лууны илд” 597 сая юань ($95 сая).
Гуравт нь Франц найруулагчийн “Чонон сүлд” 454 сая юань ($72.4 сая) олжээ.
Эх сурвалж: WantChinaTimes
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
