• 5 сарын 17, Баасан
|
Уншиж байна ...
ХУУЧИРСАН МЭДЭЭ: 2015/02/20-НД НИЙТЛЭГДСЭН

Дархан-Уул, Сэлэнгэ, Орхон аймгуудын зам цасан шуургатай байна

ikon.mn
2015 оны 2 сарын 20
iKon.MN
Зураг зураг
Зургийг: Автотээврийн Үндэсний Төв

Сэрэмжлүүлэг мэдээлэл хүргэж байна. Дархан, Эрдэнэт, Сэлэнгэ аймгуудаар замын нөхцөл байдал хүндхэн тээврийн хэрэгсэл үзэгдэх орчин муу байгаа аж.

Орон нутагт золголтоор явж буй иргэд тухайн чиглэлийн ЦАГ АГААР болон ЗАМЫН нөхцөл байдлыг сайтар судалж, тодорхой мэдээлэл авсны дараа замд гарахыг анхаарна уу. Сэлэнгэ аймгийн Сайхан сумын нутаг дэвсгэрт ЦАСАНД боогдсон замд Орхоны гүүрнээс Дарханы 40-ийн пост хүртэл 300 орчим тээврийн хэрэгсэл саатаад байгаа гэсэн мэдээллийг орон нутгаас аваад байна.

Боогдсон замыг нээх, цасанд суусан тээврийн хэрэгслийг татаж гаргахаар Сэлэнгэ аймгийн ОБГазрын ШУУРХАЙ БАГ ажиллаж байгаа бөгөөд ЗАМ НЭЭХ хүртэл орон нутаг талаас болон Улаанбаатар хот, Дархан-Уул аймгаас тээврийн хэрэгслийн хөдөлгөөнийг түр хязгаарлах хүсэлт гаргаад байна.

Саатсан тээврийн хэрэгслийн бөөгнөрөл нь уг зам нээхэд хүндрэл учруулж, цасанд боогдсон тээврийн хэрэгсэл нь хонож ч болзошгүй байгааг анхаарч ИРГЭД ЖОЛООЧ та бүхэн Хойд чиглэлд ЗАМ НЭЭХ хүртэл зорчихгүй байхыг анхаарна уу

Сэлэнгэ аймгийн онцгой байдлын газар болон замын цагдаагийн тасгийн албан хаагч нар цасанд боогдсон замыг нээх, саатсан тээврийн хэрэгслийн хөдөлгөөнийг хэвийн үргэлжлүүлэхийн тулд ажилласаар байна.

Цасан шуурга шуурч байгаа тул Тээвэрчид, Жолооч нар анхаарна уу. Салхины хурд 18-24м/секунд хүртэл шуурч байна.

Эх сурвалж: Автотээврийн Үндэсний Төв