“Эрдэнэс МГЛ”-ын захирлаар Б.Бямбасайхан томилогдоно
“Эрдэнэс МГЛ” компанийн Гүйцэтгэх захирлаар Б.Бямбасайханыг томилохоор болжээ. Засгийн газрын хуралдаанаар “Эрдэнэс МГЛ” компанийн Гүйцэтгэх захирлыг чөлөөлж, томилох юм байна. Тус компанийн Гүйцэтгэх захирал О.Сайнбуян ажлаас чөлөөлөгдөх өргөдлөө Ерөнхий сайдад өгсөн бөгөөд уг томилгоо ойрын хугацаанд албажина хэмээн албаны эх сурвалж мэдээллээ.
О.Сайнбуян 2012 оны 11 дүгээр сард “Эрдэнэс МГЛ” компанийн Гүйцэтгэх захирлаар Я.Долгоржавын оронд томилогдож байсан юм.
Б.Бямбасайхан нь “Нова Терра” компанийн Захирлаар ажиллаж байгаа, Монголын Бизнесийн Зөвлөлийн ТУЗ-ийн даргын сонгуульт ажилтай. Урьд нь “Ньюком” группын Гүйцэтгэх захирлаар ажиллаж байсан билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
