Цахимаар газар өмчлөлийн хоёрдугаар ээлж 26-нд эхэлж 15 хоног үргэлжилнэ

Нийслэлд бүртгэлтэй иргэдэд газар шинээр өмчлүүлэхээр батлагдсан дараагийн ээлжийн байршлуудад цахим хэлбэрээр газар өмчлөх хүсэлт хүлээн авах ажиллагааг эхлүүлэхээр боллоо.

Цахим системээр иргэдээс газар өмчлөх хүсэлт хүлээн авах ажиллагаа энэ сарын 26-ны өдрөөс эхлэн хуанлын 15 хоногийн турш үргэлжлэх юм байна. 

Энэ удаад шинээр: 

• Сонгинохайрхан дүүргийн Эмээлт уулын баруун хоолой
• Баянзүрх дүүргийн Улиастай дахь Их цуурай, Бага цуурайн ам
• Багануур дүүргийн Тариан булагийн 2-р хэсэг
• Баганхангай дүүргийн Хангайн хөндийн 1-р хэсэг зэрэг 5 байршилд нийт 12 388 иргэнд олгоно.

Өмнөх 5 байршлаас:

• Сонгинохайрхан дүүргийн Соёондын ам
• Багануур дүүргийн Тариан булагийн 1-р хэсэг
• Багахангай дүүргийн Бор үзүүр гэсэн 3 байршилд нийт 1431 иргэнд цахим системээр газар өмчлүүлэхээр үйл ажиллагааг зохион байгуулна.