Банкны эздийн гомдлыг өнөөдөр хэлэлцэнэ
Арилжааны банкууд үйлчлүүлэгчдээс шимтгэл авдаг нь хууль зөрчсөн үйлдэл хэмээн ШӨХТТ-аас мэдэгдэж торгууль ногдуулсан билээ.
Банкуудыг шимтгэл авахаа зогсоох, өмнө нь авсан шимтгэлийг буцааж олгохыг шаардсан.
Мөн банкуудыг шимтгэл авахаа зогсоох, өмнө нь авсан шимтгэлийг буцааж олгохыг шаардсан ч тэд ШӨХТГ-ын улсын байцаагчдын дүгнэлтийг эсэргүүцэж шүүхэд хандаад байгаа юм.
Уг шүүх хурал Дүүргийн захиргааны хэргиин анхан шатны 20 дугаар шүүхэд өнөөдөр болох тов гарчээ.
Банк болон ШӨХТГ-ын хоорондох уг асуудал өнгөрсөн оноос эхэлсэн ч одоог хүртэл шийдэгдэхгүй байгаа нь банкууд шүүхэд гаргасан нэхэмжлэлийн шаардлагаа хэдэнтээ өөрчилсөнтэй холбоотой болохыг албаны эх сурвалж хэлж байна.
Харин энэ тухайд ШӨХТГ-ын дарга О.Магнай “Шүүхийн шийдвэр манай талд гарвал арилжааны банкууд өнгөрсөн хугацаанд иргэдээс авсан шимтгэлээ буцаан олгох болно. Энэ нь хэдэн их наядаар тоологдох мөнгө учраас тэд асуудлыг сунжруулж байна” гэж тайлбарлаж байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
