Валютын ханш одоо хаачих вэ?

Ам.долларын ханшинд нөлөөлөгч голлох хүчин зүйлүүдэд тулгуурлаж ам.долларын ханшийн цаашдын хандлагыг суурь шинжилгээгээр дүгнэхийг зорьсон болно.

Худалдааны тэнцлийн алдагдал буурсан нь валютын ханшид эерэг нөлөөлөл үзүүлэх магадлалтай

Барааны худалдааны тэнцэл ашигтай гарч, худалдааны тэнцэлийн алдагдал буурсан нь валютын ханшийн өсөх трендийг эргүүлж магадгүй байна.

9-р сарын байдлаар манай улсын барааны гадаад худалдааны тэнцэл 129%-иар буюу 1475.7 сая ам.доллараар буурч 335.6 сая ам.долларын ашигтай гарсан байна.

Төлбөрийн урсгал тэнцэл 905.7 сая ам.долларын алдагдалтай гарч, алдагдал нь өнгөрсөн оны мөн үеэс 63%-р буурчээ. 

Америк долларын албан ханш ба Гадаад худалдааны тэнцэл

График дээгүүр хулганаа чирж дэлгэрэнгүй мэдээлэл харна уу

Төгрөгийн нийлүүлэлт хумигдаж байна

График дээгүүр хулганаа чирж дэлгэрэнгүй мэдээлэл харна уу

Түүнчлэн ЗГ-с 100 тэрбум төгрөгийн жижиглэнгийн бонд дотоодод шинээр гаргаж байгаа нь төгрөгийн нийлүүлэлтийг цаашид бууруулахаар байна.

Алт тушаалт нэмэгдсэнээр валютын дундарсан нөөцийг нөхөж байна

Монголбанк энэ оны 10 сарын байдлаар 10.7 тонн алт худалдан авч валютын албан нөөцдөө нэмэрлэсэн байна.

Тушаасан алтны хэмжээ оны эцэст 12 тонн хүрэх төлөвтэй байгаа бөгөөд энэ нь өнгөрсөн жилийн мөн үетэй харьцуулахад хоёр дахин нэмэгдсэн дүн юм. 

График дээгүүр хулганаа чирж дэлгэрэнгүй мэдээлэл харна уу

8 дугаар сард 1.3 тэрбум болж дундарсан албан нөөц 9-р сард эргээд 1.5 тэрбум ам.доллар болж өссөн үзүүлэлттэй гарчээ.

Гадаадын шууд хөрөнгө оруулалт тогтонги байна

ГШХО 9-р сарын байдлаар 697.5 сая ам.долларт хүрсэн бөгөөд Оюутолгойн далд уурхайн II шатны асуудал эцэслэгдвэл цаашид сэргэх төлөвтэй.

График дээгүүр хулганаа чирж дэлгэрэнгүй мэдээлэл харна уу

• Ам.долларын ханшийн голлох нөлөө үзүүлэгч гадаад худалдааны алдагдал буурсан,
• Алт тушаалт өмнөх оноос хурдацтай нэмэгдсэн,
• Төгрөгийн нийлүүлэлт хумигдаж байгаа зэрэг нь валютын ханшийн өсөлтийг сулруулах төлөвтэй байна.