Гадныханд хачин санагдах Хятадуудын 10 сонин үйлдэл

Quora сайтад 2007 оноос хойш Шанхайд амьдарч байгаа Энди Уорвик барууныханд хачин санагдах ч Хятадад хэвийн үзэгдэл болох 10 зүйлсийг дурджээ.

Тэр үүнийгээ шүүмжлэл биш, харин соёл иргэншлийн ялгаа онцлог гэж тайлбарласан байна.

Бидний Монголчууд хөршөө сайн ойлгодог байх хэрэгтэй гэсэн үүднээс орчуулан хүргэлээ.

• Би тамхи татдаггүй, гэхдээ хэрвээ татдаг бол хаана ч татаж болно. Бүр цахилгаан шатан дотор ч.
• Би рестораны зөөгчийг чангаар хашгиран дуудаж болно. Энэ нь Хятадад ёсорхоод байх зүйл биш.
• Би такси барих бол бусад хүмүүсийн урдуур зүтгэж болно. Энд дараалал гэж ойлголт автобус, метро хаа сайгүй байхгүй.
• Би цүнхээрээ хүмүүсийг шүргээд өнгөрсөн ч болно. Уучлал гуйх шаардлагагүй. Энд хувийн орон зай чухал биш.
• Хэн ч ажралгүйгээр олны дунд шээж чадна.
• Би удаан хугацаагаар их дуу чимээ гаргасан ч хөршүүд маань тоохгүй. Тэд ч бас ингэдэг. Хятад хүмүүс чимээ шуугианыг үл тооно. Тэд төрсөн цагаасаа л ийм орчинд байдаг учраас тэгдэг байх гэж би боддог.
• Миний нохой хоногийн 20 цагт хуцахгүй байхаар сургагдаагүй байсан ч болно. Дээрхийн адил хүмүүс үүнээс түвэгшээхгүй.
• Би бага насны хүүхдийн толгойг зөөлөн алгадаж эцэг эхэд нь хөөрхөн хүүхэд болохыг нь хэлэн өхөөрдөж болно. Ингэсний төлөө тэд намайг гаж донтон хэмээн цагдаа дуудахгүй. Харин ч дуртайяа хүүхдээ надад ойртуулна. Энэ нь харин ч сайхан!
• Би гудамжны дурын хэсгээр дуртай үедээ хөндлөн гарч болно. Учир нь ингэх нь ногоон гэрлээр, цагаан шугамаар гардагтай аюулгүй байдлын хувьд нэг их ялгаагүй.
• Би дугуй унаад ямар ч дүрэм баримтлахгүй хотоор явж болно. Явган зорчигчдод түвэгтэй ч дугуйчид үнэхээр эрх чөлөөтэй байдаг.