Хууль бусаар ан агнасан этээдүүдэд ял оногдуулжээ
Хууль бусаар баавгай агнаж, эд эрхтнийг нь наймаалсан гэх Д.Болдбаатар, С.Өлзийбаяр, Х.Отгонжаргал нарт нийслэлийн Дүүргийн эрүүгийн хэргийн анхан шатны нэгдүгээр шүүхээс ял оногдуулжээ.
Тодруулбал, тэд Хан Хэнтийн тусгай хамгаалалттай газраас хулгайгаар хүрэн баавгай агнаж, савар, доньд, цөсийг нь зарсан хэрэгт буруутгагдсан юм.
Шүүх бүрэлдэхүүн Д.Болдбаатарт чанга дэглэмтэй хориход дөрвөн жил, С.Өлзийбаярт жирийн дэглэмтэй хориход 2.6, Н.Отгонжаргалд 1.6 жилийн хорих ял тус тус оноосон байна.
Түүнчлэн хүрэн баавгайн экологи, эдийн засгийн үнэлгээ нь 6.5-7.5 сая төгрөг байдаг бөгөөд хэрэгтнүүдээр энэхүү үнийг гурав нугалан төлүүлэхээр болсон байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
