О.Магнай телевизийн төлбөр төлөхгүй байхыг уриалав
Шударга өрсөлдөөн хэрэглэгчийн төлөө газрын дарга О.Магнай сайн муу хэл амны бай болсоор ирсэн.
Түүний гаргаж байгаа шийдвэрүүд нийгэмд сайнаар үнэлэгдэх ч мөн муугаар хэлүүлсэн ч тэрбээр “Уучлал” гуйж олныг нэг тайтгаруулсан гэхэд болно.
Гэхдээ түүнийг хийсэн ажилтай хүн гэж өмөөрөх нэгэн ч бий. О.Магнайн хувьд цахим сүлжээнд өөрийн байр суурийг байнга биш ч гэсэн хаа нэг илэрхийлж байдаг хүний тоонд ордог.
Хамгийн сүүлд гэхэд тэрбээр МҮОНТ-д төлбөр төлөхгүй байх уриалгыг дэмжиж байгаагаа илэрхийлсэн байна. Тэрбээр өөрийн Твиттер хуудсандаа “Энэ олон телевизүүд сонгуулийн үеэр бидний тархийг угаах гэж байгуулагдсан юм шүү дээ. МҮОНТ-д төлбөр төлөхгүй байх уриалгыг дэмжиж байна” хэмээн жиргэсэн юм.
Түүний энэ жиргээ мөн л олны талархалыг хүлээгээд байна. Сүүлийн өдрүүдэд Азийн олимп буюу Инчеон 2014 Азийн тоглолт болж буй энэ үед монголчууд хүссэн тэмцээнээ үзэж чадахгүйд багагүй бухимдаж, МҮОНТВ-г санаачлагагүй ажилласан.
Төрийн болон ард түмний мөнгийг дэмий зүйлд зарцуулж байгааг шүүмжилж байгаа энэ үеэд О.Магнай даргын энэ жиргээ хүч нэмж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
