“Багц цахилгаан станц PPS”-ыг ашиглах боломжийг судална
“Energy Mongolia 2014 ” олон улсын хурал, үзэсгэлэн өнгөрсөн тавдугаар сард манай улсад болж, Солонгосын “Asia Holding”, “Hyundai Heavy Industries”, “Meritz Securities” байгууллагууд оролцсон.
Энэ үеэр Улаанбаатар хотын агаарын бохирдлыг бууруулах, гэр хорооллын цахилгаан ба дулаан хангамжийг сайжруулах зорилгоор Багц Цахилгаан Станцыг (PPS)-ыг барьж байгуулах, ашиглах боломжийн талаарх судалгааны төслийг хамтран хэрэгжүүлэхээр ЭХЯ “Харилцан ойлголцлын санамж бичиг” ийг байгуулсан юм.
Энэ санамж бичгийн хүрээнд Улаанбаатар хотын гэр хорооллын хамгийн их утаатай тодорхой байрлалуудад Монгол орны нөхцөлд хямд өртгөөр дулаан цахилгааныг хослон үйлдвэрлэдэг Багц цахилгаан станцыг суурилуулах техник эдийн засгийн үндэслэл боловсруулах ажлыг эхлүүлэхээр ЭХЯ-ны харъяа Эрчим хүчний эдийн засгийн хүрээлэн, Солонгосын “Asia Holding” компанитай Хамтран ажиллах гэрээнд гарын үсэг зурлаа.
Судалгааны ажлыг 90 хоногийн хугацаанд хийхээр төлөвлөж байгаа бөгөөд судалгааны үр дүнгээс шалтгаалж Монгол Улсад зөөврийн багц цахилгаан станцыг барьж байгуулах, дулаан, цахилгаан үйлдвэрлэх асуудал шийдэгдэх юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
