2859 га талбайн ургац мөндөрт цохигджээ

2014 онд улсын хэмжээгээр 315.6 мянган га-д үр тариа, үүнээс

• 293.4 мянган га-д буудай
• 13.3 мянган га-д төмс
• 8.2 мянган га-д хүнсний ногоо
• 82.9 мянган га-д тосны ургамал
• 14.5 мянган га-д тэжээлийн ургамал, нийтдээ 434.5 мянган га-д тариалалт хийсэн байна.

Урьдчилсан балансаар 466.6 мянган тонн үр тариа, үүнээс

• 439.8 мянган тонн буудай
• 154.7 мянган тонн төмс
• 100.2 мянган тонн хүнсний ногоо
• 47.8 мянган тонн  тосны ургамал
• 41.2 мянган тонн малын тэжээлийн ургамал тус тус хураан авахаар тогтоогдоод байгаа нь нэг га-гаас дунджаар 15.2 цн буудай, 116.3 цн төмс, 121.4 цн хүнсний ногоо, 5.8 цн тосны ургамал, 26.7 цн малын тэжээлийн ургамал тус тус хураан авах боломж бүрджээ.

Харин байгаль цаг уурын датагдашгүй хүчин зүйлийн нөлөөгөөр Сэлэнгэ, Булган, Хөвсгөл аймагт 2859 га талбайн ургац мөндөрт цохигдсон байна.

Түүнчлэн тариалалтад зориулан нийтдээ 724  аж ахуйн нэгж, иргэнд 2.7 мянган тонн шатахуун, 290  аж ахуйн нэгж, иргэнд  9.3 мянган тонн буудайн үр, 322 аж ахуйн нэгж, иргэнд 152.7 тонн ургамал хамгаалалын бодис, 57 аж ахуйн нэгж иргэнд 215 тн бордоог тус тус 20-50 хувийн урьдчилгаатай зээлээр олгож дэмжлэг үзүүлсэн байна.