“Өмнийн Говийн уул уурхай ба Усны менежмент” сургалт болж байна

Ард иргэд, уул уурхайн компаниуд, төрийн байгууллагуудад зориулсан “Өмнийн Говийн уул уурхай ба Усны менежмент” цуврал  сургалт болж байна.

Састэйнабилити Ийст Эйжия ХХК, Грaунд Вотер Солюшнс компаниудын хамтран зохион байгуулж буй уг сургалтыг 30 удаа явуулж, нийт 600 орчим хүнийг хамруулах зорилготой ажээ.

Энэ удаагийн сургалт дараах сэдвүүдээр явагдаж байна:

•  Газрын доорх усны менежмент хийхэд ус ашиглагч болох нутгийн иргэд, уул уурхайн компаниуд болон бусад талуудын оролцоо ямар байх ёстой вэ? 
•  Газрын доорх устай холбоотой нийгэм эдийн засаг, байгаль орчны нөлөөлөл, үүнийг хууль эрх зүйгээр зохицуулалт хийж болох уу?
•  Газрын доорхи усны ашиглалттай холбоотой үүсч болзошгүй нийгэм, эдийн засгийн ба байгаль орчны нөлөөлөл бий юу?
•  Өмнийн говийн ус хэрэглээ, менежментийн өнөөгийн болон ирээдүйн төлөв

“Өнөөдрийн сургалтын гол зорилго нь гүний усны менежмэнт гэж юу болох, энэ талаар хэрэгжиж буй хууль тогтоомжуудын талаар нийтлэг ойлголтуудыг оролцогчиддоо өгөх юм.

Цаашид уул уурхайн компаниуд болон иргэдэд усны талаар зөв ойлголтуудыг хүргэх зорилгоор Өмнөговь аймагт 16, Улаанбаатар хотод 14 удаагийн сургал зохион байгуулахаар төлөвлөөд байна” хэмээн Састэйнабилити Ийст Эйжия компанийн байгаль орчны зөвлөх доктор Н.Нямдорж хэллээ.