Байгаль орчны менежментийн төлөвлөгөөг хэдэн жилээр батлуулдаг вэ?

Байгаль орчин, ногоон хөгжилд ан амьтан хамаагүй

- Байгаль орны үнэлгээний талаарх асуулт хариулт - 

- Байгаль орчинд нөлөөлөх байдлын үнэлгээнд олон нийтийн харилцааг хангуулах асуудлыг тусгай зохицуулсан эрх зүйн акт байдаг уу?

- Байгаль орчин, ногоон хөгжлийн сайдын 2014 оны 01 дүгээр сарын 06-ны өдрийн А-03 дугаар тушаалаар батлагдсан “Байгаль орчны нөлөөллийн үнэлгээнд олон нийтийн оролцоог хангах тухай журам”-аар зохицуулсан байдаг болно. Журмыг БОНХЯ-ны www.mne.mn сайтаас татаж авч болно.

- Төсөл хэрэгжүүлэгч Байгаль орчны менежментийн төлөвлөгөөг хэдэн жилээр батлуулдаг вэ? 

-Төслийн үйл ажиллагаанд хийсэн Байгаль орчны нөлөөллийн нарийвчилсан үнэлгээний тайлангийн Байгаль орчны менежментийн төлөвлөгөөг 5 жилийн хугацаатайгаар баталж, цаашид 5 жил тутамд нэмэлт тодотгол хийлгэнэ.

Харин БОННҮ-ний тайлан, БОМТ-нд заасан шаардлага, арга хэмжээг хэрэгжүүлэх зорилгоор төсөл хэрэгжүүлэгч жил бүр Байгаль орчны менежментийн төлөвлөгөөг батлуулан, үйл ажиллагаа явуулна.

- Төсөл хэрэгжүүлэгчийн тухайн жилийн Байгаль орчны менежментийн төлөвлөгөөг ямар байгууллага батлах вэ?

- Тухайн жилийн Байгаль орчны менежментийн төлөвлөгөөг төслийн үйл ажиллагаанд ерөнхий үнэлгээ хийсэн байгууллага батална. Ерөнхий үнэлгээг Байгаль орчин, ногоон хөгжлийн яам, аймаг, нийслэлийн Байгаль орчны газарт хийдэг.

- Байгаль орчны менежментийн төлөвлөгөөгөө батлуулахгүйгээр үйл ажиллагаа явуулах боломжтой юу?

- Төсөл хэрэгжүүлэгч нь байгаль орчны менежментийн төлөвлөгөөгөө батлуулаагүй, холбогдох баталгааны хөрөнгийг байршуулалгүйгээр төслийн үйл ажиллагааг эхлэх, үргэлжлүүлэх эрхгүй болно.

-Байгаль орчны менежментийн төлөвлөгөөг боловсруулах, тайлагнах, хянан батлахтай холбоотой харилцааг ямар журмаар зохицуулдаг вэ?

- Байгаль орчин, ногоон хөгжлийн сайдын 2014 оны 01 дүгээр сарын 06-ны өдрийн А-05 дугаар тушаалаар батлагдсан “Байгаль орчны менежментийн төлөвлөгөө боловсруулах, хянан батлах, тайлагнах журам”-аар зохицуулж байна. Журмыг БОНХЯ-ны www.mne.mn сайтаас татаж авч болно.

- Байгаль орчны нөлөөллийн нарийвчилсан үнэлгээ хийх мэргэжлийн байгууллагын эрх хүссэн аж ахуйн нэгж, байгууллагын удирдлагад ямар шаардлага тавьдаг вэ?

- Байгаль орчны нөлөөллийн нарийвчилсан үнэлгээ хийх эрх авахыг хүссэн аж ахуйн нэгжийн удирдлага нь байгаль орчны чиглэлээр мэргэшсэн, тухайн салбарт 5-аас доошгүй жил ажилласан туршлагатай байна.  

-Байгаль орчны нөлөөлийн нарийвчилсан үнэлгээ хийх мэргэжлийн байгууллагын эрхийг хэн олгодог вэ?

- Байгаль орчин, ногоон хөгжлийн сайдын тушаалаар 4 чиглэлээр, 3 жилийн хугацаатай олгодог.  

- Төсөл хэрэгжүүлэгч тухайн жилийн байгаль орчныг хамгаалах арга хэмжээний зардлын 50%-ийг тусгай дансанд баршуулдаг. Энэ асуудлыг ямар журмаар зохицуулдаг вэ?

- Байгаль орчин, ногоон хөгжлийн сайдын 2014 оны 01 дүгээр сарын 06-ны өдрийн А-04 дүгээр тушаалаар батлагдсан “Байгаль орчныг хамгаалах, нөхөн сэргээлтийн баталгааны тусгай дансны гүйлгээнд хяналт тавих журам”-аар зохицуулдаг. Журмыг БОНХЯ-ны www.mne.mn сайтаас татаж авч болно.

Бусад дэлгэрэнгүй мэдээллийг 
БОНХЯ-ны Байгаль орчны үнэлгээ, аудитын хэлтсээс 
авч болно. Утас: 263235, 310942