"Орчлон" сургуулийн урдах замыг маргаашаас эхлэн НЭГ сар хаана
БНХАУ-ын Засгийн газрын буцалтгүй тусламжаар хэрэгжүүлэх Бээжингийн гудамжны замын өргөтгөл, шинэчлэлийн ажил эхэлсэн.
Төслийн ерөнхий гүйцэтгэгчээр Бээжин констракшн инженеринг групп, туслан гүйцтэтгэчээр Дүүрэн трейд ХХК, ЧММ ХХК-ийн түншлэл ажиллаж байна.
Энэхүү ажлын хүрээнд Орчлон сургуулийн урд зам буюу залуу Жанжин Ж.Лхагвасүрэнгийн хөшөөний орчмын 200 метр замын зорчих хэсгийн хоёрдугаар эгнээнүүдийг энэ сарын 23-ны 23:00 цагаас эхлэн нэг сарын хугацаатай хаахаар болжээ.
Ингэснээр шинээр барих гүүрийн далангийн тулц, ханын ажлыг гүйцэтгэх аж.
Энэ хугацаанд тээврийн хэрэгслийн хөдөлгөөнийг нэгдүгээр эгнээгээр хэвийн зорчуулах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
