Садар самуун сурталчилсан хүүхдийн номнуудыг шалгаж эхэллээ
Нийслэлийн цагдаагийн газраас хүүхдэд зориулсан номнуудад шалгалт хийжээ.
Учир нь хүүхдэд зориулсан ном алдаа ихтэй, бүтэхгүй үлгэр, буруу үлгэр дууриалал үзүүлэх зурагтай, тэр байтугай садар самууныг сурталчилсан шинжтэй болсон гэж үзэн шалгалт хийсэн байна.
Энэ удаагийн шалгалтад “Шидэт өнгө” хэвлэх үйлдвэрээс гаргадаг “Хүүхдэд зориулсан онигоо” болон “Хүүхдийн хөгжилтэй яриа” цуврал ном оржээ. Эдгээр номонд томчууд ч тоож уншихааргүй архидан согтууралт, садар самуун үг хэллэг гардаг гэж иргэд гомдол гаргасан аж.
Садар самууны тухай хуульд садар самууныг сурталчилсан хэвлэл, ном зохиол, зураг, кино дүрс бичлэг, бусад зүйлийг бэлтгэх, тараах, борлуулахыг хориглоно гэж заасан байдаг. Харин “Хөгжилтэй цуврал” номыг гурван хуулийг зөрчсөн гэх үндэслэлээр шалгаж байгаа юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
