Ноцтой осол гарав
Нийслэлийн Баянзүрх дүүргийн 27 дугаар хороо буюу Дарь-Эхийн автобусны хуучин эцсийн буудлын авто зам дээр машин мөргөлдөж, хүн хавчуулагдсан ноцтой осол гарчээ.
Дуудлагын дагуу Аврах шуурхай тасгийнхныг очиход “Соната” маркийн суудлын автомашин, “Дево” загварын “Автобус-3” ОНӨҮГ-ын том оврын автобустай мөргөлдөж “Соната” загварын авто машины жолооч 26 настай эрэгтэй хавчуулагдан хүнд гэмтсэн байжээ.
Тэднийг ослын газраас холдуулж, эмнэлгийн анхны тусламж үзүүлэн ГССҮТ-д хүргэсэн байна.
Эх сурвалжийн мэдээлж буйгаар автобусанд 20 гаруй зорчигч байсан байна. Ослын үеэр зарим зорчигчид суудлаасаа унаж, цонх мөргөж, бэртсэн аж. Мөн автобусанд бага насны хүүхдүүд ч зорчин байжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
