Ц.Азбаяр: Тахарын алба нь гэрч, хохирогчийг хамгаалахад чиглэгдсэн

Энэ оны нэгдүгээр сарын 1-нээс Тахарын албаны тухай хууль хэрэгжиж эхэлсэн. Үүнтэй холбогдуулан Тахарын ерөнхий газрын дарга Ц.Азбаяраас зарим зүйлийг тодрууллаа. 

-Тахарын албаны тухай хууль хэрэгжиж эхэлснээр Тахарын ерөнхий газар бай­гуулагдсан. Бүтэц, зохион байгуулалтын хувьд ямар шатандаа явж байна вэ?

-Хууль маань энэ сарын 1-нээс хэрэгжиж эхэлсэн. Одоогоор байгууллагыг эмх­лэн зохион байгуулах ажил явагдаж байна. Бид оны өмнө Тахарын албанд ажиллах алба хаагчдын өргөдөл, ма­териалыг авчихсан. Өнөөдрийн байдлаар 307 хүн хүсэлтээ ирүүлээд байна. Харин бүтэц зохион байгуулалтын хувьд газрын дарга нэг, гурван дэд, ал­бадын таван дарга болон та­харын алба хаагчидтайгаар үйл ажиллагаагаа явуулна. 

-Нөгөөтэйгүүр эл хууль хэрэгжиж эхэлснээр ир­гэ­дийн эрх ашгийг хамгаалах эрх зүйн орчин бү­рдэнэ. Харин Тахарын ерөнхий газар ямар ямар чиглэлээр үйл ажиллагаагаа явуулах вэ?

-Мэдээж иргэдийн эрх аш­гийг хамгаалах нь ойл­гомж­той. Тухайлбал гэрч, хохирогчийг хамгаалах, шүүгчийн аюулгүй байдлыг хангах, ялтанг зөөвөрлөх, гэмт этгээдийг эрж хайх зэрэг ажлыг хийж гүйцэтгэнэ.

-Дэд дарга нар болон албадын даргыг хэзээ томилох вэ?

-Гурван дэд даргыг Хууль зүйн сайдын ту­шаа­лаар, алба­дын дарга на­рыг хуулийн хүрээнд сонгон шалгаруулалт явуулж шаард­лага хангасан хү­­­­­­нийг томилно. Одоогоор то­дор­хойгүй байна. 

-Яг ямар шаардлага тавьж байгаа вэ?

-Албадын дарга нарт хууль сахиулах байгууллагад таваас доошгүй жил ажил­ласан, удирдан зохион байгуулах авьяастай, гурван дэд даргад 10-аас доошгүй жил ажилласан байх шаард­лагыг тавьж байгаа. 

Бусад алба хаагчид гур­ваас доошгүй жил ажил­ласан байх ёстой. Мэдээж эрүүл мэндийн үзлэгээс эхлээд бие бялдар, хууль эрх зүйн шалгалт авна. 

-Тэгвэл сонгон шалга­руулалтыг ямар зарчмаар явуулах вэ?

-Төрийн алба хаагчийг ямар шалгуураар яаж сонгон шалгаруулж авдаг тэр зарчмаар явуулна. 

-Ингэхэд тахарын алба хаагч албан үүргээ гүй­цэтгэж яваад амь насаа алдсан тохиолдолд нөхөн олговор олгох уу?

-Мэдээж тэгнэ. Үндсэн цалинтай нь тэнцэхүйц тэт­гэлгийг 10 жилийн хуга­цаатайгаар сар бүр олгох болно. 

-Таны ярьж байгаагаас ШШГЕГ-т дэмжлэг үзүүлэх зорилгоор Тахарын ерөнхий газрыг байгуулсан гэж ойл­гогдож байна?

-Яг ч тэгэж ойлгож бо­лохгүй л дээ. Гэхдээ шүү­хийн үйл ажил­лагаанд хам­гийн их дэмжлэг үзүүлэх юм. Тодруулбал шүүхээр орж байгаа хэрэг, маргаанд дэмжлэг үзүүлэх, гэрч, хо­хирогчийг хамгаалахад чиглэгдсэн. Нөгөөтэйгүүр гэрч, хохирогчийг хамгаалах зайлш­гүй шаардлага тул­гарч байгаа.